Цифрландырудың уақыт өткен сайын сақтандыруда маңызы артуда. Қазақстандағы сақтандыру саласы технологиялық өзгерістерге бейімделіп келеді.
Сонымен қатар, биылғы 1 қаңтардан бастап жұмыс істей бастаған цифрлық инновациялардың бірі жазатайым оқиғадан кейін сақтандыру төлемін жылдам алу құралы – Еурохаттама болды.
Еуропалық хаттаманы мына жағдайларда қолдануға мүмкіндік бар:
ЖКО қатысушылары жарамды сақтандыру полисі бар 2 жүргізуші болса;
Жазатайым оқиғадан келтірілген залал мөлшері 100 АЕК-тен аспаса (369 200 теңге);
Жазатайым оқиғаға қатысушылар кімнің кінәлі, кімнің жәбірленуші екенін өз бетінше анықтап, келіссе;
Жазатайым оқиға үшінші тұлғалардың денсаулығына немесе мүлкіне зиян келтірмесе.
Қазақстандағы барлық жол-көлік оқиғасының 40 пайызға жуығында келтірілген залал мөлшері 100 АЕК-тен (369 200 теңге) аспайды, сондықтан бұл механизм көптеген көлік иесіне жеңіл жазатайым оқиғаларды тіркеуді жеңілдетеді. Жаңа қызметтің тағы бір артықшылығы – көлік кептелісін азайту. Енді полиция қызметкерлерін күтудің қажеті жоқ. Мәселенің бәрін өзіңіз шеше аласыз.
Сондай-ақ сақтандыру компаниясы жол-көлік оқиғасының әрбір қатысушысына (жыл сайын 200 мыңнан астам жүргізуші жол-көлік оқиғасына ұшырайды) сақтандыру өтемақысын қағазбастылыққа ұрынбай және жылдам алу мүмкіндігін беруді көздейді. Биыл сақтандыру компаниялары саланы цифрландыруды жалғастыруды жоспарлап отыр. Мысалы, Freedom Insurance ерікті автокөлікті сақтандыруды цифрландыру бойынша жұмысты жалғастыра береді.
2023 жылы компания активтерін 100 млрд теңгеге дейін ұлғайтты (2022 жылдың соңында – 33,65 млрд теңге). Жыл ішінде меншікті капитал 5,27 миллиардтан 20 миллиардқа дейін өсті.
