Қазақстан барлық саланы цифрлық жүйеге көшіру бойынша табанды жұмыстар атқарып жатқан елдердің бірі. Бұл реформа әсіресе, халық саны көп Түркістан облысы сынды өңірлердің тұрғындары үшін мол мүмкіндік сыйлайды. Себебі, ақпараттық технологиялар арқылы түрлі қажеттіліктерге, оның ішінде керекті құжаттар мен ақпараттарға жедел қол жеткізуге болады. Бұл тұрғыда қандай жұмыстар іске асырылып, нендей жаңашылдықтар орын алып жатыр? Осы ақпаратта аталған сауалға жауап беріп көрейік.
Оқулықтар толықтай цифрландырылады
Өткен жылы жарияланған ресми деректерге сүйенсек, елімізде оқулықтардың 80 пайызы цифрлық форматқа көшірілген. Бүгінде цифрлық нұсқадағы оқулықтар мемлекеттік сараптамадан өтіп, оқу-әдістемелік кешендер тізіміне енгізілген. Цифрлық оқулықтарды әзірлеуге еліміздің 11 баспасы тартылды. Пәндерді оқытудың инновациялық тәсілдерін енгізу мақсатында педагогтер үшін әдістемелік ұсынымдар әзірленген. Нәтижесінде еліміздегі бастауыш сынып оқулықтарының – 94 пайызы, 5-9 сынып оқулықтарының – 81 пайызы, 10-11 сынып оқулықтарының 61 пайызы электронды нұсқаға көшірілген. Ал, 2024 жылы пәндерді цифрлық оқулықтармен 100 пайыз қамту жоспарланған. Электрондық оқулықтармен қатар мектептерде қосымша оқу материалы ретінде мультимедиалық контенті бар цифрлық білім беру ресурстары белсенді қолданылып жатыр. Бұл тұрғыда 50 мыңнан аса цифрлық білім беру ресурсы жасалған.
Жалпы, жоспар бойынша елімізде жасанды интеллект саласында жыл сайын 1000 маман дарялануы керек. Мемлекет басшысының айтуынша, алдағы уақытта кейбір отандық жоғары оқу орындарында «Google» және «Huawei» халықаралық компанияларының тиісті курстары өтпек. Корея мен Қытайдың жоғары оқу орындарымен білім беру және мамандарды бірлесіп даярлау бойынша келісім жасалды.
2023 жылғы мәліметтерге сәйкес, жыл соңына дейін елімізде көпірлер мен құрылыстарды пайдалануды басқару жүйесі іске қосылу жоспарланған.
Ә.Нияз
