Сарыағаш ауданы әкімдігінде аудан әкімі Арман Абдуллаевтың төрағалығымен кезекті аппараттық мәжіліс өтіп, өңірдің әлеуметтік-экономикалық даму барысы мен өзекті мәселелері жан-жақты талқыланды.
Жиын барысында ауданның экономикалық көрсеткіштері, өнеркәсіп пен ауыл шаруашылығы салаларындағы атқарылып жатқан жұмыстар, инвестициялық жобалардың іске асырылу деңгейі және инфрақұрылымдық даму барысы қаралды. Әсіресе, халықтың әл-ауқатын арттыруға бағытталған мемлекеттік бағдарламалардың орындалуы мен олардың тиімділігіне ерекше назар аударылды.
Сонымен қатар, жұмыспен қамту, кәсіпкерлікті дамыту, әлеуметтік қолдау шараларын күшейту және аз қамтылған отбасылармен жүйелі жұмыс жүргізу мәселелері көтерілді. Аудан әкімі бұл бағыттағы жұмыстардың нақты нәтижеге бағытталуы тиіс екенін атап өтіп, жауапты сала басшыларына бірқатар тапсырмалар жүктеді.
Жиында ауыл шаруашылығы саласындағы көктемгі дала жұмыстарының барысы, су ресурстарын тиімді пайдалану және егістік алқаптардың жағдайы да қаралды. Ауданның аграрлық әлеуетін арттыру мақсатында заманауи технологияларды енгізу және өнім көлемін ұлғайту қажеттігі айтылды.
Сарыағаш ауданының әлеуметтік-экономикалық дамуын тұрақты қамтамасыз ету үшін инфрақұрылымды жаңғырту, жол жөндеу, ауыз су және газбен қамтамасыз ету жобаларын уақытылы жүзеге асыру мәселелері де назардан тыс қалмады.
Жиынға аудан әкімінің аппараты, дербес бөлімдер мен мекемелердің басшылары, сондай-ақ қала және ауылдық округ әкімдері қатысты. Күн тәртібінде бірқатар маңызды мәселелер қаралып, оларды тиімді шешу жолдары сараланды. Жауапты сала жетекшілеріне нақты тапсырмалар жүктелді.
Алғашқы мәселе бойынша аудандағы құрылыс нысандарының қазіргі жай-күйі, сондай-ақ заңсыз салынған құрылыстарды анықтау және оларды ретке келтіру жұмыстары туралы аудандық құрылыс, сәулет және қала құрылысы бөлімінің басшысы Ерғали Қосмұратов баяндама жасады. Ол өз сөзінде жүргізіліп жатқан бақылау және реттеу шараларына тоқталды.
Күн тәртібіндегі екінші мәселе аясында су арналарының жай-күйі қаралды. Атап айтқанда, арықтар мен каналдарды тазалау, су көздері маңындағы заңсыз нысандарды анықтау және жою, сондай-ақ жаз мезгілінде туындайтын ағын су тапшылығының алдын алу шаралары туралы «Су шаруашылығы» мекемесінің директоры Ербол Алтынбаев баяндады.
Сонымен қатар, өрт қауіпті кезеңге дайындық деңгейі де назардан тыс қалған жоқ. Бұл бағыттағы жұмыстар, оның ішінде минералды жолақтардың әзірлігі мен алдын алу шаралары жөнінде аудан әкімі аппаратының ұйымдастыру-инспекторлық жұмыс және аумақтық даму бөлімшесінің бас инспекторы Мейіржан Әскер есеп берді.
Мәжілісте берілген хаттамалық тапсырмалардың орындалу барысы да қаралып, бұл туралы аталған бөлімшенің бас инспекторы Жасұлан Әбдімәлік баяндама жасады.
Жиынды қорытындылаған аудан әкімі Арман Абдуллаев:
— Әрбір сала бойынша атқарылып жатқан жұмыстар нақты нәтиже беруі тиіс. Өзекті мәселелерді дер кезінде шешу үшін жауапты басшылардың үйлесімді әрі жүйелі жұмыс істеуі маңызды. Тапсырмалардың орындалу сапасы мен мерзіміне ерекше назар аударылып, бақылау күшейтіледі, — деп атап өтті.
Мәжіліс қорытындысы бойынша тиісті тапсырмалар хаттамаға енгізіліді. Соынмен қатар, сала басшыларына бірқатар мәселелер бойынша қосымша зерделеу жұмыстарын жүргізу және нақты іс-шаралар жоспарына сәйкес жұмыс атқару міндеттелді.
Сонымен қатар, Сарыағаш ауданы әкімінің орынбасары, комиссия төрағасы Алдияр Қозыбаевтың төрағалығымен аудандық кәмелетке толмағандардың істері және олардың құқықтарын қорғау жөніндегі ведомствоаралық комиссиясының кезектіотырысында 3 мәселе қаралды.
Күн тәртібіндегі мәселелер бойынша Жібек жолы ауылдық округінде кәмелетке толмағандармен және оларға қарсы жасалған құқық бұзушылықтардың, өзіне-өзі қол салу, ертежүктілік, зорлық-зомбылықтың алдын алу бойынша атқарылған жұмыстары туралы Жібек жолы ауылдық округінің әкімі А.Сейтжапбаровтың, аудандағы кәмелет жасына толмаған мүмкіндігі жектеулі баладарға әлеуметтік қолдау шаралары туралы ауданның жұмыспен қамту және әлеуметтік бағдарламалар бөлімінің басшысы М.Құралов және аудандық полиция басқармасының ҚҚБ ЮП инспекторы Ә.Орынбайдың баяндамалары тыңдалды.
Отырыста қаралған мәселелерге орай комиссия мүшелері мен отырысқа қатысушылардың ұсыныс-пікірлері талқыланды. Сонымен қатар, комиссия төрағасы тарапынан кәмелет жасына толмаған, мүмкіндігі шектеулі балаларға ерекше назар аудару қажеттігі айтылды. Атап айтқанда, олардың әлеуметтік бейімделуін қолдау, жан-жақты дамуына жағдай жасау, сондай-ақ мүмкіндіктеріне қарай мәдени, спорттық және тәрбиелік іс-шараларға белсенді қатыстыру бағытында тиісті тапсырмалар жүктелді. Бұл жұмыстардың жүйелі әрі сапалы жүзеге асырылуын қамтамасыз ету жауаптысала басшыларына жүктелді.
