Сарыағаш ауданының әкімі Арман Абдуллаев Түркістан облыстық мәслихат депутаттарымен бірге аудан аумағындағы бірқатар нысандарды аралап, олардың жай-күйімен танысты.
Жұмыс сапары барысында шекаралық аумақта орналасқан «Келес» өзенінің арнасына барып, оның қазіргі жағдайын көріп шықты. Сонымен қатар, Қабланбек ауылдық округіне қарасты Қабланбек елді мекеніндегі мәдениет үйін аралап, нысанның жай-күйі пысықталды. Нысандардың жалпы ахуалы зерделеніп, тиісті бағыттар бойынша мәліметтер назарға алынды.
Айта кетсек, аудан аумағындағы инфрақұрылымдық және әлеуметтік нысандардың жай-күйін жақсарту бағытындағы жұмыстар алдағы уақытта да жалғасып, кезең-кезеңімен жүзеге асырылатын болады.
Сонымен қатар, Арман Абдуллаев Сарыағаш қаласында салынып жатқан «Өндірістік парк» нысанының құрылыс барысымен танысты. Кәсіпкерлермен кездесіп, жобаны сапалы әрі белгіленген мерзімде аяқтаудың маңыздылығын атап өтті. Одан бөлек, инфрақұрылым жүйелерін тарту жұмыстарын жүргізіп жатқан мердігер мекемеге құрылыс қарқынын күшейту жөнінде нақты тапсырмалар берілді. Бақылау жүргізу ауданның тұрғын үй-коммуналдық шаруашылық бөліміне жүктелді.
Жалпы аумағы 6,5 гектарды құрайтын өндірістік аймақта қазіргі таңда іргетас құю және жерді тегістеу жұмыстары аяқталған. Өндірістік ғимараттардың құрылысы инвесторлар қаражаты есебінен жүзеге асырылуда. Қазіргі таңда бір кәсіпкерлік нысанның құрылысы толық аяқталып, тағы төрт нысанның құрылысы жүргізілуде. Сонымен қатар, мердігер мекеме тарапынан инфрақұрылым желілерін тарту жұмыстары жалғасуда.
Бұдан бөлек әкім аудан аумағындағы маңызды инфрақұрылымдық нысандарды аралап, кәріздік сарқынды суларды тазарту жүйелерінің жай-күйімен танысты. Жұмыс сапары барысында аудан басшысы салаға жауапты тұлғаларға нақты тапсырмалар жүктеп, станциялардың үздіксіз әрі тиімді жұмыс істеуін қамтамасыз етуді міндеттеді.
Алдымен аудан әкімі Көктерек кентінде жүзеге асырылып жатқан «Көктерек кентінде канализациялық тораптарды және тазарту имараттарын қайта құру (түзету-2)» жобасының орындалу барысын бақылап, құрылыс жұмыстарының қарқынын арттыруды тапсырды. Сонымен қатар, барлық жұмыстардың сапалы әрі белгіленген мерзімде аяқталуын қатаң бақылауда ұстау қажеттігін атап өтті. Жобаның орындалуын үйлестіру аудандық тұрғын үй-коммуналдық шаруашылық бөлімі басшысы С. Қаракұловқа жүктелді.
Сонымен қатар, аудан басшысы Сарыағаш қаласы аумағында орналасқан, қазіргі уақытта жұмыс істеп тұрған кәріздік сарқынды суларды тазалау станциясының қызметімен танысты. Нысанның техникалық жағдайы мен жұмыс барысы зерделеніді. Оған қоса, сарқынды суды төгу кезінде ұқыптылықты сақтап, барлық қауіпсіздік талаптарын қатаң сақтау қажеттігін ерекше атап өтті.
Бүгінде аталған тазалау станциясы тұрақты әрі бірқалыпты режимде жұмыс істеуде. Техникалық ақаулар тіркелмеген, барлық жүйелер қалыпты жағдайда қызмет көрсетуде. Операторлар өз міндеттерін тиісті деңгейде орындап, технологиялық процестердің үздіксіздігін қамтамасыз етіп отыр. Қызмет етуші мекеме: «Сарыағаш – Тұрмыс» мемлекеттік коммуналдық кәсіпорны.
Айта кетсек, кәріздік сарқынды суларды тазарту жүйелерінің тиімді жұмыс істеуі — аудан тұрғындарының өмір сүру сапасын арттыруға, санитарлық-эпидемиологиялық жағдайды тұрақтандыруға және қоршаған ортаны қорғауға бағытталған маңызды басымдықтардың бірі.
Сонымен қатар, Арман Абдуллаев Сарыағаш қаласындағы «Самал-3» шағын ауданын ауыз сумен қамту мақсатында жүзеге асырылып жатқан құрылыс жұмыстарының барысымен танысты. Жауапты сала басшылары мен мердігер мекеме өкілдеріне нақты тапсырмалар берілді.
Өңір басшысы құрылыс жұмыстарының сапасы мен мерзіміне ерекше назар аударып, барлық жұмыстардың жобалық-сметалық құжаттамаға сәйкес уақытылы әрі сапалы орындалуын қатаң тапсырды. Сонымен қатар, құрылыс барысында туындайтын өзгерістерді жедел қарастыру үшін техникалық кеңес ұйымдастыруды жүктеді.
Жоба аясындағы құрылыс жұмыстары кезең-кезеңімен жүргізілуде. Атап, айтқанда:бастапқыда ауыз су жүйесінің негізгі инфрақұрылымын қалыптастыру мақсатында әртүрлі диаметрдегі (110, 160, 180, 225, 250, 280 мм) су құбырларын тарту жұмыстары қолға алынған. Қазіргі таңда бұл жұмыстардың шамамен 60 пайызы орындалды. Келесі кезеңде су қорын жинақтау және тұрақты қысымды қамтамасыз ету үшін су қоймаларының құрылысы жүргізілуде. Атап айтқанда, 2000 м³ көлеміндегі су қоймасының бетондау жұмыстары толық аяқталған. Сонымен қатар, 6000 м³ негізгі су қоймасы аумағында «Самал-3» шағын ауданына арналған қосымша 2000 м³ су қоймасы салынуда. Сондай-ақ, су беру жүйесінің үздіксіз жұмысын қамтамасыз ету үшін екінші көтерілімдегі сорғы станциясының ғимараты салынуда. Бүгінде, аталған нысанда бетондау жұмыстары жүргізілуде. Келесі кезекте, инженерлік инфрақұрылымды толық қамтамасыз ету мақсатында жеке трансформатор қондырғысын орнату және дизельді генератормен жабдықтау жұмыстары қарастырылған.
