Ағымдағы жылдың ақпан айының 15-19 күндері Шымкент қаласында ерлер мен әйелдер арасындағы ұлттық жекпе-жек спорт түрінен Қазақстан Республикасының чемпионаты өткен болвтын. Аталған жарыста Сарыағаш ауданының спортшысы 67 кг салмақтағы Меруерт Нұрмаханова әйелдер арасында І орын иегері атанды.
Бүгінгі таңда Меруерт «Мамыр ата» спорт кешенінде жекпе-жек спорт түрімен шұғылдануда. Жаттықтырушылары Азиз Анетов бен Құрманғазы Сұлтанов. Жас спортшы нәтижелі еңбегінің арқасында Азия чемпионы және үш дүркін Қазақстан чемпионы атанды.
Айта кетсек, Меруерт 2020 жылы Алматы қаласында, 2021 жылы Қостанай қаласында болып өткен Қазақстан чемпионатында І орын иегері атанған. Сонымен қата, 2022 жылы Талдықорған қаласында өткен Азия чемпионатына да қатысып, жеңіс тұғырынан көрінді. Меруертке алдағы уақытта әлем чемпионатында бақ сынап, еліміздің көк туын желбіретеді деп сенім білдіреміз.
