Бұл туралы Түркістан облысының әкімі Өмірзақ Шөкеев Сауран ауданының тұрғындарымен кездесуінде айтты.
Түркістан облысындағы Сауран ауданының құрылғанына аз уақыт болса да, құрылыс жұмыстары мұнда қарқынды жүріп жатыр.
Биыл ауданда барлығы 650 орындық үш жаңа мектеп салынып жатыр. Қосмезгіл елді мекеніндегі 300 орындық білім ұясы жыл соңына дейін пайдалануға беріледі.
Ал, Оранғай ауылындағы 150 орындық және Ибата елді мекеніндегі 200 орындық мектеп келесі жылы ашылатын болады.
Өткен жылы аталған ауданда 2 жаңа мектеп білім алушыларға есігін ашқан еді.
