Бүгін “AMANAT” партиясы Сауран аудандық филиалының ұйымдастыруымен Бабайқорған ауылы, Абай елді мекенінде облыстық мәслихат депутаты Ж.Темірбекова көшпелі қоғамдық қабылдау өткізді.
Қоғамдық қабылдауға ауыл тұрғындары Т.Оспанов, Р.Жартыбаева, аудандық мәслихат төрағасы С.Байсбаев, ауыл әкімі А.Абдраймов, Абай атындағы орта мектебінің директоры Ш.Талипов қатысты.
Қабылдауға келген тұрғындар
Сауран ауданына қарасты Бабайқорған ауылдық округі, Абай елді мекені, «Абай» атындағы жалпы білім беретін мектеп 220 балаға арналғандығын алғашқы мектеп 1953 жылы толық пайдалануға беріліп, мектеп «Ақтөбе мектебі» болып басталғанымен, 1956 жылы «Абай атындағы мектеп» болып қайта аталғандығын жеткізді. 1956 жылы 60 мұғалім, 500 оқушы, 150 орындық интернаты бар аудандағы ілгері мектептердің біріне айналды.
Мектеп алғашқыда – бастауыш сыныптан басталды, 7 жылдық, 8 жылдық, 10 жылдық, 11 жылдық орта білім беру мекемесі болып қалыптасты. 50 жыл тарихы бар ескі мектеп жарамсыз болып, 2003-2004 оқу жылынан бастап жаңа жерден шұғыл түрде жаңа мектеп бой көтерді. Қазіргі таңда 298 оқушы білім алуда.
Мектеп ғимараты бір қабатты, жалпы көлемі 1058,7 м2 құрайды. Сабақтар екі ауысымда жүргізіледі. Сынып бөлмелерінің жетіспеуіне байланысты сабақтар таңғы сағат 08.00-де басталып, кешке 19.20-да аяқталады. Сабақтың ерте басталып кеш аяқталуы қыс, көктем, күз айларында жауын, қар жауған сәттерде мектеп пен тұрғын үйлердің ара-қашықтығының ұзақтығына байланысты оқушылардың өмір қауіпсіздігіне қауіп төнуде.
Екі ауысым аралығындағы үзіліс те сынып бөлмелері толық жетіспейтіндіктен санитарлық нормаларға сәйкес келмейді. Пән кабинеттері 33 м2 құрайды, заманауи талапқа сай жабдықталған кабинеттер және сабақ өтуге арнайы лабораториялық бөлмелер, қыздар-ұлдар еңбек сабағына арналған шеберханалары жоқ.
Мектепте акт залы, асхана, кітапхана, дене шынықтыру сабағында киім ауыстыратын арнайы бөлмелер қарастырылмаған. Мектептегі асхананың көлемі 13,4 м2, 1-4 сынып оқушылары және әлеуметтік аз қамтылған отбасы балалары (106 бала) тамақтану үшін арнайы асхана бөлмесі болмағандықтан, бір оқу кабинеті мұқтаждыққа байланысты арнайы бөлініп отыр. Оқушылар үшін оқу залы қарастырылмаған. Кітапхана 2012 жылы мектепке жапсарластырылып, «Асар» әдісімен салынғандықтан кітаптардың сақталуына жағдай жасалмаған. Ішкі әжетхана мектеп ғимаратына модульдік үлгіде салынғандықтан, талапқа сай жұмыс жасауы үшін қосымша қиындықтар туындауда. Жылу жүйесі талапқа сай емес, мектеп салынғалы күрделі жөндеуден өткізілмеген. Сондықтан қысқы маусымда сынып бөлмелерінің температурасы 13-15 градустан аспайды. Мектеп ауласының қоршауы тозған.
Осы аталған кемшіліктерге байланысты, аудандық санитарлық-эпидемиологиялық қадағалау басқармасы және төтенше жағдайлар бөлімі тарапынан жоспарлы тексерулер жүргізіліп, жылына 2 рет айыппұл салынуда. Сынып бөлмелері тар, заманауи құрал-жабдықтармен жабдықталмаған мектепте еліміздің ертеңі жас ұрпақ қалыпты жағдайда білім ала алмай отырғандығын жеткізді.
Аудандық мәслихат төрағасы С.Байсбаев жоғарыдағы мәселеге байланысты, «Түркістан облысының құрылыс басқармасы» мемлекеттік мекемесі (бұдан әрі – Тапсырысшы) тарапынан «ЭнергоТрансСтрой» ЖШС (бұдан әрі – Бас жобалаушы) мекемесіне тапсырыс беріліп, «Түркістан облысы, Сауран ауданы, Бабайқорған ауылдық округі, Абай елді мекенінде 300 орындық мектеп құрылысы» жұмыс жобасы әзірленіп, 2023 жылдың 9 қазанында №AGDS-0116/23 мемлекеттік сараптаманың оң қорытындысы алынғандығын жеткізді.
Жаңа мектеп құрылысына 2 га жер телімі бөлініп, мемлекеттік актісі (№19-289-026-1630) алынған. Жобаға сәйкес 300 орындық мектеп ғимараты төрт блоктан тұратын, толық жиынтығы бар сыныптар мен оңтайлы және қолайлы кабинеттермен жасақталу көзделуде.
Қабылдауға келушілер облыстық мәслихат депутаты Жанар Амангелдіқызынан жоғарыда баяндалғандар негізінде, ауыл тұрғындарына күнделікті қолайлы және қауіпсіз жағдай жасау мақсатында, 2024 жылы «Жайлы мектеп» жобасы аясында Сауран ауданы, Бабайқорған ауылдық округі, Абай елді мекенінде 300 орындық мектеп құрылысын жүргізуге облыстық немесе республикалық бюджеттен қаржы қарастыруға ықпал жасауды сұрады.
Ауыл тұрғындарының мәселесін мұқият тыңдаған мәслихат депутаты Ж.Темірбекова келесі жылдың бюджеттін жоспарлау кезінде, тиісті мекемелерге халық көтерген мәселелерді шешу үшін нақты ұсыныстарын жеткізетіндігін түсіндірді.
Халық қалаулысы мектептің қазіргі жағдайын өз көзімен көріп, нақты шешімдер қабылдауға ықпал жасайтындығын жеткізді.
