Сауран ауданында кәмелетке толмағандар арасында құқықбұзушылықтың алдын алу шаралары өтті. Осы ретте, жасөспірімдер арасындағы құқықбұзушылық пен діни экстремизмнің алдын алу мақсатында арнайы мобильдік топ Үшқайық ауылдық округіне қарасты елді мекендерде түсіндіру жұмыстарын жүргізді. Топ мүшелері «Амангелді», «А.Үсенов» және «С.Қожанов» атындағы мектептердің оқушылары және мұғалімдерімен кездесті. Кездесу барысында құқықтық мәдениет, тәртіп пен жауапкершілік, жат діни ағыдардан сақтану жөнінде кеңінен айтылды. Іс-шараға аудандық ішкі саясат бөлімінің басшысы Н.Тажыбеков, прокуратура, полиция, жастар ресурстық орталығы мен ішкі саясат мамандары қатысты. Жалпы мұндай кездесулер жастардың құқықтық сауаттылығын арттырып, заңға деген құрмет пен азаматтық жауапкершілік қалыптастыруға ықпал етеді.
Бүгінде республика бойынша «Құқықтық тәртіп» консолидациялық жобасы жүзеге асырылып жатыр. Еліміздің барлық өңірінде құқықтың бұзушылықтың алдын алуға арналған профилактикалық іс-шаралар жүзеге асырылуда. Осы орайда Түркістан облысына қарасты Сауран аудандық полиция бөлімінің қызметкерлері халықтың қауіпсіздігін қамтамасыз ету мақсатында бірқатар алдын алу жұмыстарын жүргізуде.
Ауданда тәртіп сақшыларының қатысуымен «Жасөспірім» жедел-алдын алу іс-шарасын өткізуде. Іс-шараның басты мақсаты – кәмелетке толмағандар арасындағы қылмыстардың, оның ішінде топтық төбелес, бопсалау жайтын алдын алу, жолын кесу, сондай-ақ құқыққа қайшы іс-әрекеттерге жол бермеу, кәмелетке толмағандарға алкогольдік және темекі өнімдерін сату, олардың түнгі уақытта заңды өкілдерінің ілесіп жүруінсіз ойын-сауық мекемелері мен тұрғын үй-жайлардан тыс аумақта болу жайттарының алдын алу жұмыстары жүргізілуде. Жедел-алдын алу іс-шарасы бойынша полиция қызметкерлері кәмелетке толмағандар арасында қылмыс пен құқық бұзушылықтың алдын алу бойынша рейдтік тексеріс жұмыстарын атқаруда.
Сонымен қатар, Сауран ауданы көлемінде жедел жағдайды сауықтыру, заңдылықты, құқықтық тәртіпті және қауіпсіздікті қамтамасыз ету мақсатында «Құқықтық тәртіп» жедел-профилактикалық іс шарасы жүргізілуде.
Іс-шара барысында тәртіп сақшылары қоғам тыныштығын күзетіп ғана қоймай, түрлі деңгейдегі қылмыстарды болдырмау бағытында жұмыстар атқаруда. Сондай-ақ қылмыстардың алдын-алу мақсатында тұрғындарға түсіндірме жұмыстарын жүргізуде.
Сауран аудандық полиция бөлімінің жергілікті полиция бөлімшесінің қызметкерлері әдеттегідей әр аптаның жұма, сенбі күндері жол-көлік оқиғаларының алдын алу, болдырмау және де қауіпсіздікті қамтамасыз ету мақсатында, Сауран ауданындағы жол апаты орын алуы ықтимал жолдарға, көлік қозғалысы көп жүретін көшелерге рейдтік-профилактикалық іс-шаралар жүргізу үшін бөлініп, тиісті бағыттардағы жұмыстарын атқаруда.
Сауран аудандық полиция бөлімі жергілікті полиция қызметі бөлімшесінің учаскелік полиция инспекторлары жайсыз отбасылар мен профилактикалық іс-шаралар өтуде. Азаматшаларға «Тұрмыстық зорлық-зомбылықтың профилактикасы туралы» Заң талаптары бойынша түсіндірме жұмыстары жүргізілді.
Бүгінгі күні тұрмыстық зорлық-зомбылықтың алдын алу мақсатында күнделікті жұмыстар атқарылуда. Сауран аудандық полиция бөлімінің қызметкерлері аудан көлемінде қылмыстардың алдын алуға бағытталған профилактикалық шаралар кешені бойынша қарқынды жұмысқа кіріскен. Бөлім бастығымен бөлімше басшыларының нұсқаулығына сәйкес, полиция қызметкерлері аудан көлемінде құқықбұзушылықтарды болдырмау, жол көлік оқиғаларының алдын алу мақсатында профилактикалық шараларды күшейтті.
Жалпы Түркістан облысында кәмелетке толмағандар арасындағы құқық бұзушылықтар мен қылмыстардың алдын алу, қоғамдық тәртіпті нығайту, жастардың құқықтық сауаттылығын арттыру және қауіпсіз қоғам құру мақсатында республикалық жедел-профилактикалық іс-шара өткізілуде. Тәртіп сақшылары кәмелетке толмағандардың түнгі уақытта серуендеуі, олардың үйден тыс жерде болуы немесе заңды өкілдерінің еріп жүруінсіз ойын-сауық орындарына баруының алдын алуға, кәмелетке толмағандарға алкоголь мен темекі сату фактілерінің, сондай-ақ басқа да құқық бұзушылықтардың жолын кесуге ерекше назар аударуда. Түркістан облысында кәмелетке толмағандар арасындағы құқық бұзушылықтардың алдын алу және жолын кесу мақсатында «Жасөспірім», «Түнгі қаладағы балалар», «Жасөспірім және жауапкершілік» атты жедел профилактикалық іс-шаралары өткізілуде. Нәтижесінде жыл басынан бері өңірдегі жасөспірімдермен жасалған қылмыстар 11,6 пайызға төмендеген. Жыл басынан бері жүргізілген іс-шаралардың нәтижесінде түнгі уақытта ойын-сауық орындарында болған 198 кәмелетке толмаған және тұрғын үйден тыс жерде жүрген 4 358 жасөспірім анықталып, олардың ата-аналары мен заңды өкілдері әкімшілік жауапкершілікке тартылды. Жасы кәмелетке толмағандардың түнгі уақытта ойын-сауық орындарында болуына жол бергені үшін 104 мекеме иесіне хаттама толтырылды. Құқық бұзушылыққа бейім 427 кәмелетке толмаған жасөспірім және бала тәрбиесіне немқұрайлы қарайтын 268 отбасы полицияның есебіне алынды.
Қазақстандықтардың құқықтық сауаттылығын арттыру мақсатында «Заң үстемдігі» жобасы қолға алынған. Бұл жоба Мемлекет басшысы атап өткен «Адал азамат» тұжырымдамасын жүзеге асыру мен қоғамдағы Заң және құқықтық тәртіп үстемдігін қалыптастырудағы нақты қадамдардың бірі болмақ. Жобаның негізгі мақсаты – қоғамда сыбайлас жемқорлықтың барлық көріністеріне төзбеушілік ортасын қалыптастыру және де осы процесске ел азаматтарын жаппай тарту.
«Біз құқық бұзушылық жасау, пара беру немесе әлсізге қолын көтеру туралы ойдың өзін айыптайтын қоғамға айналуымыз керек. Бұл қиын жұмыс, бірақ бұл жолды еңсеруіміз қажет.«Әділдік жолы» командасы 2 жыл бойы белсенді жұмыс істеп, қоғамда құқықтық сауаттылық бойынша олқылықтар бар екеніне көз жеткізді.Осы уақыт аралығында adildik.kz сайты мен 1463 байланыс орталығына түскен 8 мыңға жуық азаматтың өтінішін қарастыра келе, халықтың Заң мен Ереже туралы білімдерін арттыру арқылы көп мәселелерді қылмысқа апармай шешуге болатынына сенімдіміз. Еліміздің болашағына бей-жай қарамайтын барлық азаматтарды сыбайлас жемқорлыққа қарсы күреске белсенді атсалысуға шақырамыз. Әділетті Қазақстанды бізге ешкім дайын күйде алақанымызға салып бермейді: оны өзіміз құрамыз», – деп атап өтті «Әділдік жолы» РҚБ атқарушы директоры Дидар Смағұлов.
