Түркістан облысы Сауран ауданындағы Жүсіп ата кесенесінде сапар орталығының құрылыс жұмыстары жүргізілуде.
Жүсіп ата кесенесіндегі сапар орталығының құрылысы ҚР Мәдениет және спорт министрлігі, “Әзірет Сұлтан” мемлекеттік тарихи-мәдени музей-қорығының бастамасымен кәсіпкерлерді жұмылдыра отырып жасалуда. Қазіргі таңда нысан құрылысымен қатар орталық маңын абаттандыру ісі де қарқынды.
Ғимарат аумағында қонақтарға арналған демалыс орындары мен арнайы автотұрақ бар. Сондай-ақ, кешеннің әкімшілік ғимараты, «Жүсіп ата» тарихы және «Өңір тарихы» музейі орналасады.
Сапар орталығында кітаптар мен ауыл тарихын көрсететін мәліметтер, суреттер қоры жиналуда. Былтыр сәуір айында басталған құрылыс жұмыстары аяқталуға жақын. Алдағы уақытта Жүсіп ата кесенесін Түркістан өңірінің туристік маршрутына енетін болады.
Сонымен қатар, ҚР Мәдениет және спорт министрлігінің тапсырысымен Сауран, Гаухар ана кесенелерінде сапар орталығының құрылысы басталды.
