Алдағы сайлаудағы ерекше бір жаңалық – ел алдында беделді және реформаторлық қасиеттері бар азаматтардың сайлауға жеке дара қатысып, өзін-өзі ұсынуға құқысы.
Ондай азаматтар өңірімізде де баршылық. Ақпарат құралдары мен интернет ресурстарында сайлау тақырыбы қазір өте өзекті болып отыр. Жалпы, тарих парақтарында сайлауға қазақ қоғамы ерекше мән берген.
Жаңа Қазақстанды құрудағы Мемлекет басшысының ойы мен жоспары да халықтың мұң-мұқтажымен үндеседі. Халық қашан да жайлы, өміріне қауіпсіз, тыныш қоғамда өмір сүргісі келеді және оған толықтай құқылы да.
Қазір жастардың да билікке деген ұмтылысы артты. Бұл, әрине, қуантатын жағдай. Сайлау науқаны кезінде үміткерлер өз жоспарларымен бөлісіп, оны халық игілігі жолында жүзеге асыру нағыз жетістік болмақ. Алдағы сайлаудан елдің күтері көп.
Гүлжанат ДҮЙСЕНБАЕВА,
Түркістан қаласындағы «Ұлы Дала Елі» орталығының директоры
