ШАРДАРАЛЫҚ КӘСІПКЕР «ҚАМҚОРЛЫҚ» ЖОБАСЫ АЯСЫНДА 7 ОТБАСЫҒА КӨМЕК КӨРСЕТТІ

234

Түркістан облысының әкімі Ө.Шөкеевтің бастамасымен өңірде жүзеге асырылып жатқан «Қамқорлық» жобасы аясында Шардара ауданында мұқтаж азаматтарға көмек көрсетілді, деп хабарлайды Аptanews.kz тілшісі.

Шардара аудандық жұмыспен қамту және әлеуметтік бағдарламалар бөлімі мен аудандық ішкі саясат бөлімінің ұйымдастыруымен жеке кәсіпкер Әкімбаев Кәрімбердінің демеушілігімен көмекке мұқтаж 7 отбасыға азық-түлік себеттері тапсырылды.

Несібін кәсібінен тауып, игілікті іске қол ұшын созған абзал азамат Әкімбаев Кәрімбердіге тұрғындар өз алғыстарын білдірді. Алдағы уақытта осындай игілікті істер жалғасатын болады.