№11Қалалық емханасына қарасты 4 елді мекен бар. Тұрғындарға ыңғайлы болу үшін қазір Қазығұрт орталығында 6 төсек орын , Сауле шағын ауданынан 4, Ақжардан 3, Ақтастан 2 орындық стационар ашылды. Барлығы -15 төсектік күндізгі стационар жұмыс істеуде.
Эпидемиологиялық жағдайға байланысты жоспарлы ауруханаға жататын аурулар және кеңестер уақытша тоқтатылып, дәрігерлер пневмония және ЖРВИ мен ауырғандарға ем-дом шараларын жүргізуде.
Қосымша мобильді топ құрылды. Олардың құрамында хирург, терапевт, травматолог, неврапотолог,ЖТД, педиатр және медбикелер бар.
Үш автокөлік және жеке қорғаныс құралдарымен қамтылған мамандар уйге шақырту және актив жасалған науқастарға медициналық көмек көрсетеді. Сонымен қатар, Қазығұрт шағын ауданы аумағындағы №86 мектепте 300 орынға арналған провизорлық стационар ашылды. Қазіргі таңда 25 науқас ем қабылдауда.
Емхана барлық қажетті дәрі-дәрмектермен, залалсыздандыру ерітінділерімен, жеке басты қорғау құралдарымен, пульсоксиметр және оттегі жастықшалары, баллондармен қамтамасыз етілген.
Сонымен қатар, қала әкімінің тапсырмасымен үйдегі шақыртуларды кезексіз шұғыл түрде қамтамасыз ету мақсатында стационарға автокөлік бөлінді. Учаскелік дәрігерлер тұрғындардан келіп түскен шақыртуларға баруда және диспансерлік есепте тұратындарға тегін дәрі-дәрмектерді үздіксіз жеткізуде.
