Бүгін қала әкімі Мұрат Әйтенов М.Әуезов атындағы ОҚМУ-дың үздік түлектерін онлайн құттықтады.
Үшінші мегаполис басшысы Мұрат Әйтенов М.Әуезов атындағы ОҚМУ-дың үздік түлектерін онлайн режимде құттықтап, ақжарма тілегін білдірді.
77 жылдық тарихы бар оқу орны биыл Қазақстандағы ЖОО рейтингісі бойынша үшінші орынды иеленді, ал әлемдік рейтингте ТОП 500-ге еніп отырған жайы бар.
Айта кетейік, 2019-2020 оқу жылында Мұхтар Әуезов атындағы Оңтүстік Қазақстан мемлекеттік университетін 5248 маман түлеп ұшқалы отырса, оның ішінде 362-сі үздік дипломға бітіріп отыр.
«Құрметті түлектер! Сіздерді мамандық иесі атануларыңызбен шын жүректен құттықтаймын. Үздік диплом алуларыңызды еліміздің дамуына қосқан үлестеріңіз деп санаймын. Өмірге алған жолдамаларыңыз тек сәттілік әкеліп, жемісін берсін!» — деп қала басшысы ізгі тілегін білдірді.
Қазіргі таңда оқу ордасында 1577 профессор-оқытушы білім береді. Оның ішінде 22 академик, 500-ге жуық ғылым кандидаты, 102 ғылым докторы бар.
