Қаратау ауданы аумағындағы көп қабатты үйлерге арналған қатты тұрмыстық қалдықтарды жинақтайтын 67 қоқыс алаңшасында 224 қоқыс жәшіктері бар.Бұл туралы Шымкент ақпараттық-коммуникациялық орталығы хабарлайды.
Қаратау ауданы аумағындағы көп қабатты үйлерге арналған қатты тұрмыстық қалдықтарды жинақтайтын 67 қоқыс алаңшасында 224 қоқыс жәшіктері орнатылған. Аудан аумағындағы қоқыс жәшіктеріне күніне 2 рет таңертең және кешкі уақытта «Экоспецтранс» ЖШС тарапынан тазалық жұмыстары жүргізіліп отырады.
Шымкент қаласының әкімі Мұрат Әйтенов қаладағы барлық қоқыс алаңшалары мен қоқыс жәшіктерін жаңартып, көрікті етіп абаттандыруды тапсырған болатын. Осы орайда, Қаратау аудан әкімі аппараты тарапынан қоқыс шығарушы мекемелер «Экоспецтранс» ЖШС , «Шымкент спецкомплекс» ЖШС және қоқыс қалдықтарын қабылдайтын «Грин лайн» ЖШС мекемелерімен келіссөздер жүргізіліп, қазіргі таңда аталаған мекемелер тарапынан қоқыс алаңшалары мен ондағы жәшіктерді заманауи қала көркіне көрік беретін үлгіде жаңарту жұмыстары бекітілген кестеге сәйкес атқарылуда.
