Шымкент қаласы әкімі Мұрат Әйтеновтің тапсырмасына сәйкес, эпидемиологиялық жағдайға қарсы іс-шаралар ауқымды түрде жүргізілуде. Бұл туралы Шымкент ақараттық-коммуникациялар орталығы мәлім етті.
Қазір Шымкент қаласы әкімдігі бірыңғай дистрибьютормен бұрынғы 1 миллиард 800 миллион теңгеге жасалған келісімге қосымша тағы 207,1 миллион теңгеге өтінім берді.
Соның арқасында бүгінде дәріханалар мен емдеу мекемелеріне қосымша 70 миллион теңгенің дәрі-дәрмегі жеткізілді. Алдағы уақытта тағы да қажетті дәрілермен қамтылады деп күтілуде. Ол үшін 852 түрлі дәрілік зат пен медициналық бұйымға тағы өтінім берілген.
Сонымен қатар емделушілер үшін 1 200 провизорлы төсек орын мен 51 мекемедегі күндізгі статционарда 628 төсек орын әзірленді. Бүгін-ертең олардың қатары тағыда артатын болады. Қазір осы қосымша төсек-орындар ашу мақсатында жұмыстар жүргізілуде.
Сондай-ақ әкімдік жеке меншік клиникалармен келіссөздер жүргізіп, 25 жеке клиникада карантинге қарамастан өздерінде тіркелген пациенттерге МӘМС жүйесінің аясында медициналық көмек көрсететін болды.
