Шымкенттегі Дарын орталығы карантиндік режимге байланысты маусым айында бірқатар іс-шараларды қашықтықтан өткізді. Бұл туралы Шымкент ақпараттық-коммуникациялық орталығы хабарлайды.
Орталық ұйымдастырған іс-шаралар түрлі бағытты өтті. Атап айтқанда, оқушылардың шығармашылық белсенділіктері мен танымдық қызығушылықтарын, IT технологиялармен жұмыс жасау қабілеттерін арттыру, шығармашылық әлеуетін ашуға жағдай жасау, Шымқаламыздың тарихи, мәдени, көрікті жерлерін таныстыру мақсатында «Шымкент – ТМД-ның мәдени астанасы» тақырыбында шығармашылық презентация байқауы өткізілді.
Презентация барысында оқушылар “Туристер не үшін Шымкентке келуі керек?” деген сұрақтың жауабы ретінде 20 себепті слайдпен көрсетіп берді. Соның ішінде, ең үздік деп танылған жұмыстар дипломадармен марапатталып, Шымкенттегі туристерге арналған ақпараттық дүңгіршекке жолданды.
Сонымен қатар, 28 маусым күні қаланың 5-6 сынып оқушылары арасында Дарын орталығы сайты (http://daryn-shymkent.kz) арқылы математика пәнінен 150-ге жуық оқушыларды қамтып онлайн-олимпиада өкізді.
Жақсы көрсеткіш көрсеткен оқушылар орталықтың олимпиадалық резервіне жинақталады.
