Бас мемлекеттік санитариялық дәрігер Әбдіманап Төлебаевтың Қаулыларының орындалуы бойынша Әл-Фараби ауданынан құрылған мониторингтік топ аудандағы кәсіпкерлік нысандарды аралап, түсіндіру жұмыстарын жүргізді. Бұл туралы Шымкент ақпараттық-коммуникациялар орталығы хабарлайды.
Бас мемлекеттік санитариялық дәрігер Әбдіманап Төлебаевтың Қаулыларының орындалуы бойынша Әл-Фараби ауданынан құрылған мониторингтік топ аудандағы кәсіпкерлік нысандарды аралап, түсіндіру жұмыстарын жүргізді. Қаламызда енгізілгн карантиндік режим аясындағы санитарлық талаптардың сақталуы барысын жіті тексерді.
Құзырлы мекемелердің қатысуымен жүргізілген түсіндіру жұмыстары барысында біраз жұмыстар атқарылды. Соның ішінде, арнайы мониторингтік топ 7 кәсіпкерлік нысанды жабуға ұсыныс берді. Өйткені олар карантин режимін сақтамай, тұтынушыларға қызмет көрсеткен.
Санитарлық-эпидемиялық талаптарды сақтамаған тағы 13 кәсіпкерлік нысанға хаттама толтырылды.
Еске сала кетейік, қоғамдық орындардағы санитарлық талаптың сақталуын әр ауданнан бекітілген мониторингтік топ күнделікті бақылап, тексеру жұмыстарын жүргізіп отырады. Ал талапқа сай еңбек етпегендерге заң арқылы шара көріледі.
