Шымкент қаласы Қаратау ауданы аумағында 14 мобилдік топ құрылып, аудан аумағындағы қоғамдық орындарда түсіндірме жұмысы күнделікті жүргізілуде. Бұл туралы Шымкент ақпараттық-коммуникациялық орталығы хабарлайды.
Шымкент қаласы Қаратау ауданы аумағында 14 мобилдік топ құрылып, аудан аумағындағы қоғамдық орындарда түсіндірме жұмысы күнделікті жүргізілуде.
Аталған жұмыстар Шымкент қаласының Бас санитарлық дәрігердің қаулысына сәйкес орындалуда.
Қаладағы барлық азық-түлік дүкендері мен мейрамханалар санитарлық талаптарды сақтауы тиіс және де белгіленген уақыт аралығында жұмыс жасағанын бақылап, уақытылы жабылуына күнделікті мониторинг жұмысын жүзеге асыруда.
Айта кетейік, қазіргі таңда аудан әкімдігі және жергілікті полиция қызметі, аудандық тауарлар мен көрсетілетін қызметтердің қауіпсіздігін бақылау бөлімдері мамандарымен бірлесіп шара қолдануда.
Сондай-ақ, қазіргі таңда Қаратау ауданының барлық аумағында залалсыздандыру жұмыстары қарқынды жүргізілуде. Осы бағыттағы сақтық шаралар карантин аяқталғанға дейін жүйелі түрде жалғасатын болады.
Шымкент қаласы Қаратау ауданы аумағында 419 көпқабатты тұрғын үйлердің ауласындағы балалар ойын алаңшаларын және ашық спорт алаңшалар мен көпқабатты үй кіреберістерін дезинфекциялау жұмыстары кестеге сәйкес жүргізілуде.
