Еңбекші ауданында құрылған мониторинг тобы Д. Ерімбетов, Ж. Шаяхметов көшелері мен 18, 17 шағынаудандарда орналасқан дүкендер мен қоғамдық тамақтану орындарын аралап, түсіндіру жұмыстарын жүргізді.
Бұл туралы Шымкент ақпараттық — коммуникациялық орталығы хабарлайды.
Тауарлар мен көрсетілетін қызметтердің сапасы мен қауіпсіздігін бақылау департаменті мамандары, полиция және әкімшіліктен құрылған жұмысшы топ санитарлық қауіпсіздікті бақылап, кәсіп иелеріне тарапқа сай жұмыс істеуді ескертті. Қаулыға сай жұмыс жүргізбесе шара көрілетінінде атап өтті.
Айта кетейік, жұмысшы топ мұндай бақылау жұмыстарын күнделікті жүргізіп отыратын болады.
Сондай-ақ, Шымкент қаласында дезинфекция жұмыстары өз деңгейінде жүріп жатыр. Атап айтқанда, Әл-Фараби ауданы аумағында жалпы 672 көпқабатты тұрғын үй, 2244 кіреберіс алаңдары және 400 ойын алаңдары бар. Қазіргі таңға көпқабатты тұрғын үйлердің аулаларын және кіреберістеріне және басты көшелер мен ішкі орамдық көшелерге дезинфекция жұмыстары жалғасуда. Заласыздандыру жұмыстарын бекітілген кестеге сәйкес арнайы мамандар жүргізуде. Жұмылдырылған азаматтар арнайы техникамен, қорғаушы костюм және арнайы шашушы құралдармен қамтамасыз етілген. Аталған жұмыстар кестеге сәйкес, күнделікті өз жалғасын табатын болады.
