ҚР Цифрлық даму, инновациялар және аэроғарыш өнеркәсібі министрлігі еліміз бойынша өңір, қала, ауыл-аймақтағы шалғай жерлердегі интернет желісінің нақты сапасын білу және қосылу жылдамдығы төмен аудандарды анықтау мақсатында bailanys.bar сервисінің іске қосылғанын жариялады, деп хабарлайды Аptamedia.kz сайты Шымкент қаласының Ақпараттық-коммуникациялық орталығына сілтеме жасап.
Сервис арқылы қаланың, тіпті, ең шалғай ауыл тұрғындары геолокацияны бөлісе отырып, интернетке қосылу жылдамдығын оңай әрі жылдам тексеріп, мониторинг жүргізе алады. Ол үшін «PlayMarket» және «App Store» платформаларынан қосымшаны жүктеуі керек. Сондай-ақ, сервис «браузер» мен «Aitu» мобильді қосымшасы арқылы да қолжетімді.
Айта кетейік, BTS Digital Қазақстандық цифрлық компаниясының мамандары әзірлеген бұл қосымша елімізде интернет сапасына жүйелі мониторинг жүргізуге жасалған алғашқы қадам болып отыр.
