Шымкент қаласы білім басқармасына қарасты №1 Білім инновация лицейінің 4 түлегіне ҰБТ-ы басталарда ҚР Білім және ғылым министрлігінің шешімімен 140 балл көрсеткіші бар сертификат табысталды және олар тестіден босатылды.
Шымкент қаласы Білім басқармасының «Дарын» орталығы түлектерін шын жүректен құттықтап, ақжарма тілектерін төкті. Білімпаздардың есімі: Әкімбай Диас, Шаназаров Аброрбек, Алишер Шерхан және Исағұлов Әбіш.
2020 жылғы ҰБТ-ы тапсырудағы жаңалықтардың бірі – SAT, ACT, IB халықаралық стандартталған тестілерінің балын ҰБТ-ы балына ауыстыру шкаласы енгізілді. Егер түлек SAT reasoning және SAT subject сертификаттарын ҰБТ-ы тапсыру пунктінде тапсырған болса, сол сертификаттар ҰБТ-ы балы ретінде көрсетіледі және сол сертификаттар арқылы грант беру конкурсына қатыса алады.
Жоғарыда атап өткен №1 Білім инновация лицейінің 4 түлегі халықаралық стандартталған тест тапсырып, бəрі де 700 балдан жоғары ұпай жинаған. Сол себепті оларға автоматты түрде ҰБТ-ның ең жоғарғы 140 балы берілді.
