Шымкентте 15 жасар жеткіншек 27 маусым күні жансақтау бөліміне өкпесі қабынып түскен болатын.
Шымкентте 15 жасар жеткіншек 27 маусым күні жансақтау бөліміне өкпесі қабынып түскен болатын. Қалалық клиникалық балалар аурухасынына жеткізілген науқастың жағдайы ауыр болғандықтан, бірден жансақтау бөліміне жатқызылған.
Дәрігерлер өздігінен дем ала алмаған науқасты жансақтау бөліміндегі аппаратқа қосқан. Пациент оксигенотерапия және вирусқа қарсы терапия емін үздіксіз қабылдайды. Өкпесінің 50 пайызы зақымданған жасөспірім дәрігерлердің қатаң бақылауында болып, үздіксіз емнің нәтижесінде жасөспірім оныншы күні жансақтау бөлімінен пульмонология бөлімшесіне ауыстырылды.
Қазір науқастың ентігуі жоқ, дене қызуының гемодинамикасы қалыпқа түскен. Денсаулық жағдайы жақсарған жасөспірімді медицина мамандары апта соңында ауруханадан шығаруға дайындауда.
Шымкент қаласы бойынша 7.07.2020 жылғы жағдайды айта өтсек:
Коронавирус жұқтырғандар: 3 596 адам
Емделіп шыққандар: 2097 адам
Қайтыс болғандар: 18 адам
1 маусымға дейін жұқтырғандар — 867 адам
1 маусым — 7 шілде арасында жұқтырғандар — 2729 адам
Жұқпалы ауруханалардағы төсек-орын қорына 160 орын қосылып, 650-ге жетті
