Шымкентте жұмыспен қамту орталығы санитарлық талаптарды сақтай отырып, тұрғындарды қабылдауда,-деп хабарлайды Шымкент ақпараттық коммуникациялық орталығы.
Шымкент қалалық жұмыспен қамту орталығы 25 мамырдан бастап барлық санитарлық және эпидемиологиялық талаптарды сақтай отырып, азаматтарды қабылдауды бастады.
Ғимараттың сыртына арнайы шатырлар орнатылып, арақашықтығы сақталған орындықтар қойылды. Одан бөлек, кіре берісте дезинфекциялық туннель жұмыс істеп тұр. Әр кірген адамның дене қызуы арнайы аппаратпен жіті тексеріліп, бақылауға алынған.
Қазіргі таңда азаматтарға әлеуметтік көмек, жұмыспен қамту және кәсіптік оқыту мәселелері бойынша кеңестер беріліп, қажет болған жағдайда құжаттар қабылданып жатыр.
Айта кетейік, орталық 26 наурыздан бастап қашықтан жұмыс істеуге көшкен болатын. Осы аралықта 15 мыңға жуық азамат АӘК бойынша электронды түрде құжаттарын рәсімдеген.
Ал, бүгінгі таңға дейін 4 мың адам орталық арқылы тұрақты жұмысқа орналасып, 2 500 азаматқа қоғамдық және практикалық жұмыстарға жолдама берілген.
