Шымкентте “Еңбек” бағдарламасы аясында жаңа жұмыс орындарына 1566 адам жолданды.
Шымкент қаласы әкімдігі халықты жұмыспен қамту орталығының негізгі жұмысы «Еңбек» бағдарламасымен тығыз байланысты. Аталған бағдарлама 4 бағыттан тұрады және олар халықты жұмыспен қамтуға жәрдемдесуге, еңбек нарығын, кәсіпкерлікті дамытуға бағытталған.
Сондай-ақ кәсіптік білім беруді қамтиды. Жалпы, жыл басынан осы уақытқа дейін 1566 адам жаңа жұмыс орындарына жолданып, 8 мыңнан астам адам тұрақты жұмыспен қамтылған.
Сондай-ақ 3700-ден астам адам жұмыспен қамтудың жол картасы аясында қаладағы құрылыс және инфрақұрылымды жаңғырту жұмыстарына жолданып, олар жұмыстарын атқаруда.
“Биылғы 20 мамырдағы жағдай бойынша 4000-нан астам адам тұрақты жұмыспен қамтылды. 2255 адам уақытша жұмыс орындарына жолданды. Мысалы, Жастар практикасына – 866, қоғамдық жұмыстарға – 1339 және әлеуметтік жұмыс орындарына 50 адам жолдама алып, жұмыспен қамтылды. Жаңа жұмыс орындарына 80 адам жолдама алды”,-дейді Шымкент қаласы әкімдігінің халықты жұмыспен қамту орталығының директоры Дархан Беласаров.
