Шымкент: Жол картасы бағдарламасы арқылы 2897 адам жұмыспен қамтылған

755

Шымкент қаласы әкімдігі халықты жұмыспен қамту орталығы «Еңбек» мемлекеттік бағдарламасы негізінде тындырымды тірліктер атқаруда.

Үстіміздегі жылдың 25 маусымындағы жағдай бойынша жастар практикасымен 1317 жас түрлі жұмыс орындарына жолданды. Жылдың соңына дейін 3000-нан астам жасты қамту жоспарланған.

Ал, қоғамдық жұмыстарға 2654 адам, әлеуметтік жұмыс орындарына 258 адам жолданған. Шымкентте «Жұмыспен қамту жол картасы» бойынша жұмыстар қарқын алған.

Аталған бағдарлама жүзеге асырылғалы орталық тарапынан түрлі құрылыс нысандарына жоспардағы 4190 адамның 2897 — сі жолданған.

“Біздің орталық халықты жұмыспен қамту мақсатында Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясындағы шараларды жүзеге асырады. Сонымен қатар, Жұмыспен қамтудың Жол картасымен де қызу жұмыс жүруде. Яғни, осы Жол картасы аясында орталық арқылы 4193 жұмыссыз азаматты жұмыспен қамту көзделген”,-дейді орталық басшысы.

Айта кетейік, аталған бағдарлама бойынша қалада 224 жоба нақтыланып, қазіргі таңда 50-ге тарта жоба жүзеге асырылуда. Халықты жұмыспен қамту орталығы тарапынан 1000-ға жуық жұмыссыз адам аталған жобаларға жолданып, олар бүгінде жұмыс істеуде.