Шымкентте «Ақылды күнбағыс» жүйесі орнатылды

119

“Ақылды қалалар” эталондық стандартына сәйкес Шымкент қаласында “Ақылды күнбағыс” ақпараттық-танымдық жүйесі іске қосылды.

Тұңғыш Президент Н.Назарбаев  бір сөзінде «Ақылды қалалар» өңірлік дамудың, инновацияны таратудың және еліміздің барлық аумағында тұрмыс сапасын арттырудың локомотивтеріне айналады» деп республикадағы бірнеше  шаһарды ақылды қалаға айналдыру керектігін айтқан болатын. Соның ішінде Шымкент қаласы да инновацияға бет бұрып келеді.

Аталған қондырғыларды «NURCOMTEL» мекемесі қала әкімдігімен бірлесе отырып шаһардағы саябақтар мен қоғамдық орындарға орнатқан. Идея авторы Silkway Халықаралық университетінің бірінші курс студенттері.

Қазіргі таңда «Ақылды күнбағыс» электронды жүйесінің 20 данасы Шымкенттегі  Тәуелсіздік, Орталық, Металлург, Жеңіс, А. Асқаров атындағы дендро саябағы мен  Қошқар ата өзені жағалауына қойылды.

Айта кетерлігі, тұрғындардың смартфон қуаттап, жалпыға қолжетімді Wi-Fi пайдалануына мүмкіндік беретін құрылғы күн көзінен қуат алатын панельдер мен аккумуляторлар арқылы жұмыс істейді.

«Ақылды күнбағыс» кешені Шымкентте 20 жерге орнатылды:

Тәуелсіздік саябағы – 6;

Орталық саябақ – 3;

Металлург саябағы – 3;

Жеңіс саябағы – 3;

Дендро саябағы – 3;

Қошқар ата – 2.