Шымкентте ауыр жүк көліктерінің қатынасы бақыланады.Бұл туралы бүгін қалалық жолаушылар көлігі және автомобиль жолдары басқармасының өкілдері мәлімдеді.
Бұдан былай Шымкентте ауыр салмақты жүк көліктерінің қатынауы бақылауға алынады.
Айтуларынша, ауыр жүк көліктері Түркістан, Темірлан «Алматы-Тәшкен-Термез» Бөгет Баян батыр көшелері арқылы жүргізіледі. Сондай-ақ, Алматы тас жолы, Төлеметов, Ынтымақ, Қамысты Қапал батыр көшелерімен де ауыр жүк көліктерін жүргізуге рұқсат беріліп отыр. Қаладағы құрылыс қарқынын ескерген жауаптылар компаниялардың ұсыныстары әкімшілік полиция басқармасымен рәсімделуі керек дейді.
«Компания тарапынан бізге өтініш беріледі. Соның негізінде рұқсат қағаздары рәсімделеді. Құрылыс жүргізетін тұрғындардың өтінштері де қаралуға жатады», -дейді Шымкент қаласы жолаушылар көлігі және автомобиль жолдары басқармасы басшысының орынбасары Абай Тұрханов.
Жол картасына сәйкес,, қаланың кіреберісіне салу жөніндегі инспекция ұсынысы Шымкент қаласы әкіміне жолданып, құзырлы мемлекеттік органдармен бірлесіп жұмыстар жүргізілуде.
