Қала аумағында коронавирус инфекциясына қарсы дезинфекциялау жұмыстары үздіксіз жүргізілуде.
Атап айтар болсақ, Қаратау ауданы өз аумағындағы 422 көпқабатты тұрғын үйді кестеге сәйкес үздіксіз дәрілеуде.
Бүгін де көпқабатты тұрғын үйлердің аулаларын, кіреберістері мен басты көшелерге және ішкі орамдық жолдар дезинфекциялау жұмыстарынан өтті.
Ауданда залалсыздандыру құрылғылары мен дәрі-дәрмектер жеткілікті. Мамандар арнайы киімдермен де қамтылған.
ӘЛ-Фараби ауданы да залалсыздандыру жұмыстарын тоқтатқан емес. Әл-Фараби ауданында жалпы 672 көпқабатты тұрғын үй, 2244 кіреберіс пен 400 ойын алаңдары бар. Қазіргі таңда көпқабатты тұрғын үйлердің аулаларын және кіреберістері мен көшелер толық індетке қарсы залалсыздандырылды.
Дизенфекциялау жұмыстарын бекітілген кестеге сәйкес арнайы мамандар жүргізуде. Жұмылдырылған азаматтар арнайы техникамен, қорғаушы костюм және арнайы құралдармен қамтамасыз етілген.
Аталған жұмыстар күнделікті жалғасады.
Айта кетейік, егерде аулаларыңызды коронавирус індетіне қарсы залалсыздандыру керек болса, жергілікті әкімдікке хабарласуларыңызға болады.
