Шымкент қаласының әкімі Мұрат Әйтеновтың тапсырмасына сәйкес “iKomek” орталығы ашылды. Орталық күндіз-түні тұрғындардың қоңырауларына жауап береді. Бұл туралы Шымкент қалалық ақпараттық-коммуникациялар орталығы хабарлайды.
Шымкент қаласының әкімі Мұрат Әйтеновтың тапсырмасына сәйкес «iKomek» орталығы ашылды. Орталық күндіз-түні тұрғындардың қоңырауларына жауап береді.
Қазіргі эпидемиологиялық жағдайға байланысты кез келген сауалдарыңызға осы 109 нөміріне қоңырау шалу арқылы жауап ала аласыздар. Орталық тәулігіне 3000 қоңырау қабылдауға қауһарлы. Қажет болған жағдайда 5000 азаматқа дейін қызмет көрсете алады. Ол үшін 26 қызметкер тәулік бойына жұмыс жасауда.
Ескере кету керек, iKomek орталығы барлық емханалармен ыңғайластырылып ақпараттандырылған. Сондықтан да инфекциялық ауруларға қатысты қандай да бір сауал туындаса, тұрғындар бірден 109 нөміріне хабарласуына болады. Толық ақпарат беріледі.
Сонымен қатар iKomek орталығының 87777109109 ватсап нөмірі де тұрғындар үшін тәулік бойына қызмет етеді. Қай кезде болса да сауалдарға жауап беруге дайын.
