Шымкентте жол белгілері жаңаланып жатыр

933

Шымкент қаласы Полиция департаментінің Әкімшілік полиция басқармасы жол техника инспекция бөлімінің қызметкерлері қала көшелерінде зерделеу жұмыстарын жүргізіп жатыр.

Мысалы, полиция қызметкерлері Шымкент қаласындағы “Самал-3” шағын ауданы көшелерінің жаяу жүргіншілерге арналған жолақтардың жол сызбалары өшіп кеткенін байқаған.

Нәтижесінде, аталған жайт бойынша Шымкент қаласының Жолаушылар көлігі және автомобиль жолдары басқармасына арнайы жол сызбасын жаңарту мақсатында ұйғарым жолданылды және жол белгілері жаңартылды, деп хабарлайды Aptamedia.kz Шымкент қаласы әкімінің баспасөз қызметіне сілтеме жасап.

“Самал-3 шағын ауданының тұрғындарымен бірге өткен жолы Шымкент қаласы Полиция департаментінің бастығы полиция генерал-майоры Е.Жумаханбетов кездесу өткізіп, өтініш жасаған болатынбыз. Өтініште Юсупов көшесінің бойында қиылысында жол белгілерін және жаяу жүргіншілер жолағын салуды өтінген едік, қазір міне бізге салып беріп жатыр, рахмет айтамыз сіздерге”, – деген қала тұрғыны Ғабит Бейқожа Полиция департаментіне алғысын білдірді.