Шымкентте жыл басынан бері 1807 жұп отбасын құрған,-деп хабарлайды Шымкент қаласы әкімінің баспасөз қызметі.
Шымкент қаласында жыл санап отбасын құрған жұптар саны артып келеді. Мәселен, өткен жылы үшінші мегаполисте 8214 жұп заңды некеге тұрған болса, 2018 жылы 6825 жұп шаңырақ көтеріп, отбасылы болған. Ал осы жылдың төрт айының өзінде 1807 жұп отбасын құрып, шаңырақ көтерген.
Шымкент қалалық жұмыспен қамту және әлеуметтік қорғау басқармасының АХАТ (Азаматтық xaл актілерін тіркеу бөлімі) бөлімінің мамандары отбасы мәртебесін арттыруға және отбасылық құндылықтарды нассихаттауға бағытталған жұмыстарды тұрақты жүргізіп, тоқсан сайын жастарға және некеге отыратын азаматтарға арналған дөңгелек үстелдер мен семинарлар өткізеді.
Айта кетейік, Неке және отбасы туралы ҚР заңына сәйкес, ер және әйел адамдар 18 жастан бастап некеге тұра алады. Сонымен қатар, белгілі себептерге байланысты ғана жергілікті АХАТ органдары неке жасын 2 жасқа төмендете алады екен.
