Шымкент қаласының Әл-Фараби ауданы Сәуле шағынауданында орналасқан мұсылман бейітіне тазалық жұмыстары жүргізілді. Іс-шара барысында бейіт аумағы күл-қоқыстан, шөптерден тазартылып, жан-жағы тырмаланды. Сондай-ақ, ағаштардың қураған, сынған бұталары кесілді.
Жалпы Әл-Фараби ауданы аумағында 5 мазарат бар. Олар Текесу, Ақтас және Ақтас 2 тұрғын алаптарында, 275 орамда және Сәуле шағынауданында орналасқан. Барлық мазараттарды күтіп-ұстау жұмыстарына «Арнайы қызмет көрсету бюросы» ЖШС-ы жауапты. Аталған мазараттарда тазалық жұмыстары тұрақты жүргізілуде.
Қаланың бет-бейнесі – тазалықта. Қала тұрғындарын қоршаған ортаны қорғауға, айналаны таза ұстауға, үй аулаларында тазалық сақтауға шақырамыз.
Айта кетейік, бұған дейін Шымкент қаласының әкімдігі мен ҚМДБ-ның Шымкент қаласы бойынша өкілдігінің бастамасымен «Өткенге құрмет – елге құрмет» атты зираттарды тазалау мен абаттандыру шарасы ұйымдастырылды. Аталмыш шараға Шымкент қаласында орналасқан Абай, Әл-Фараби, Еңбекші және Қаратау аудан әкімдіктері, «Шымкент» медресе колледжінің ұстаздары мен студенттері, мешіт қызметкерлері, қала тұрғындары т.б. азаматтар қатысты.
Дәстүрлі түрде өткізілетін тазалық шарасы аясында зират орындарының сыртқы және ішкі тазалықтары, келуші жамағатқа зиярат ету ережелері мен тәртіптерін түсіндіру, т.б. мәселелері қозғалды.
Еске сала кетсек, Шымкент қаласы аумағындағы 36 зиратта тазалық шаралары жиі өткізіліп тұрады.
