ШЫМКЕНТТЕГІ № 80 МЕКТЕП-ЛИЦЕЙДЕ МЕДИАЦИЯ КАБИНЕТІ АШЫЛДЫ

832
Шымкент қаласының кәмелетке толмағандардың істері жөніндегі мамандандырылған ауданаралық соты кәмелетке толмағандардың мінез-құлқын түзеу және олардың тұлға ретінде қалыптасуына, олардың құқықтарының қорғалуына ықпал ету мақсатында, қаладағы №80 мектеп-лицейдің ғимаратында медиация кабинетінің салтанатты ашу рәсімін өткізді, деп хабарлайды Аptanews.kz тілшісі қалалық соттың баспасөз қызметіне сілтеме жасап.

Оған Шымкент қаласының кәмелетке толмағандардың істері жөніндегі мамандандырылған ауданаралық сотының төрағасы Д.Сайханов, Шымкент қалалық сотының Ақпараттық қамтамасыз ету бөлімінің басшысы Қ.Дүйсенби, «Медиация, құқық және психологиялық қолдау орталығының» кәсіби медиаторы Н.Оразкулова мектеп-лицейдің ұстаздары мен оқушылары және БАҚ өкілдері қатысты.

Салтанатты ашу рәсімі барысында төраға Д.Сайханов өз сөзінде, сотқа дейінгі медиацияны іске асырудың өзектілігі мен тиімділігі және оны халыққа кеңінен насихаттаудың маңыздылығына тоқталып, дау-дамайсыз өмір сүру қағидаларын мек тептен бастап жастар бойына сіңіріп, кеңінен насихаттау қажеттігі туралы айтып өтті.

Жиынға қатысушылар мектеп медиациясын дамыту және медиацияны кең ауқымда насихаттау даулардың мектеп қабырғасында шешімін табуға мүмкіндік беретіні жөнінде өзара пікір алмасты.