Шымкент қаласындағы зоологиялық саябақ 1980 жылы 19 сәуірде ашылған. Алғашқы кезде жетпіс бес аң түрінің 350 данасы болған. Ал қазір екі жүз тоқсан түрлі 2612 бас жануар бар. Оның ішінде Қызыл Кітабына аңдардың жиырма төрт түрі енген.
Қайта жаңартудан өткен саябаққа бүгін арнайы баспасөз туры өткізілді. Қала мәслихатының депутаттары мен журналистер жан-жануарлардың жағдайын көріп, жаңарған зообақты көрді. Бақтағы жануарлардың дүниежүзілік стандарттарға сәйкестендірілген орындарда жайғастырылғанына көз жеткізді.
30,08 гектар аумақты алып жатқан жануарлар бағы еліміздегі үш зообақтың бірі. Кәсіпорынның жүз отыз сегіз қызметкері хайуандардың күтімімен айналысады. Олар әрбір жануардың тазалығына, дезинфекциясына, тамақ режимдері, түрлі ауруларға қарсы екпе салдыруына, денсаулығына аса мән беріп, жіті бақылап отырады.
Қазіргі таңда аталған орында жөндеу жұмыстары жүргізіліп жатыр. Толығымен 2023 жылы аяқталады деп жоспарланған.
Кіру билеті: он жеті жастан жоғары – 600 тг, балаларға (6-дан 17 жасқа дейін) – 300тг
алты жасқа дейінгі балаларға – ТЕГІН, Ардагерлер мен I, II топ мүгедектеріне – ТЕГІН.
