Парламенттің төменгі палатасының депутаты Асхат Аймағамбетов қазір IT секторы мен жасанды интеллект мәнмәтінінде қазақ тілін дамыту өте маңызды екенін айтты. Мәжілісте жасанды интеллектті дамыту мен қолдануды құқықтық реттеу мәселелеріне арналған жиын өтті.
“Шартты түрде, Siri немесе Алиса немесе басқа жүйелер қазақ тілінде сөйлеуі үшін не керек? Қазақ тіліндегі сөздерді қолдану тұрғысынан үлкен көлем қажет. Бір сөз бес жүз немесе мыңдаған түрлі контексте қолданылуы мүмкін, онда машина, алгоритмді түсіну керек, белгілі бір сөзді қашан қолдану керек екенін – оның нақты қолданылуы, нақты мағынасы. Сондықтан бұл үлкен жұмыс”, – деді депутат журналистердің сұрағына жауап бере отырып.
Алиса қазақ тілін түсініп, сөйлей бастады. Бұл — компанияның қазақ тіліндегі виртуал көмекшісінің дамуының алғашқы қадам. Ол қолданушыны қызықтырған сұраққа жауап береді, ауа райын айтады немесе жай ғана әңгімелесе алады.
Алисамен қазақша кез келген қолданушы сөйлесе алады. Ол үшін мобильді Яндекс Браузерге немесе Яндекс қолданбаға кіріп, көмекшінің интерфейсінен қажет тілді таңдасаңыз жеткілікті. Болашақта ол екі тілде қатар сөйлейтін болады.
Яндекс Қазақстан виртуал көмекшінің ұлттық тілді қолдану сценарилерін көбейтуді жоспарлап отыр.
«Алиса» виртуал ассистент қазақ тілінде түсініп, сөйлей бастады. Бұл мемлекеттік тілдің қолданылуы еліміздің аумағымен шектелмей, одан да тыс жерлерге таралуының маңызды қадамы екені сөзсіз. «Яндекс» халықаралық компаниясына және дауыстық көмекшіні қазақ тілінде сөйлеткен әрбір қызметкерге өз алғысымды білдіремін, — деді Мәдениет және ақпарат министрі Аида Балаева.
