Созақ ауданы әкімдігінің ауылшаруашылық және кәсіпкерлік бөлімінің ұйымдастыруымен, кәсіпкерлік мектебінің мәжіліс залында “Түркістан облысының кәсіпкерлік және сауда басқарма тарапынан, туризм саласына мемлекеттік қолдаудың барлық шаралары бойынша бизнес өкілдеріне жергілікті орындарда түсіндірме жұмыстарын жүргізу туралы” тақырыбында дөңгелек үстел басында жиын өтті.
Жиынға Түркістан облысы туризм басқармасының туристік қызмет саласындағы мемлекеттік реттеу және қолдау бөлімінің басшысы Асанхан Дархан Убайдуллаұлы,
аудандық ауылшаруашылық және кәсіпкерлік бөлімі басшысының орынбасары Сұлтанғазиев Қанат Құтжанұлы мен мамандары, Кәсіпкерлер палатасының Созақ аудандық филиалының өкілдері, ауыл округ, кент әкімдігінің мамандары мен жеке кәсіпкерлер қатысты.
Облыстан келген сала маманы жалпы туризм саласындағы кәсіпкерлік субъектілеріне қолдау көрсету шараларын түсіндіріп, мемлекет тарапынан берілетін субсидиялар туралы ақпарат берді.
Жергілікті кәсіпкерлер тарапынан туризм саласы бойынша сұрақтар қойылып, сала мамандарынан тұщымды жауап алды.
Аудандағы туризм саласындағы қызықтырған басқа да сұрақтар болса, аудандық ауылшаруашылық және кәсіпкерлік бөлімі мен Кәсіпкерлер палатасының Созақ аудандық филиалы арқылы ақпарат алуға болады.
Айта кетейік, таяуда ҚР Рәміздерінің 30 жылдығына орай Түркістан облысы әкімдігінің ұйымдастыруымен тарихшы ғалымдар мен археологтардан құралған экспедиция Созақ ауданы, Арпаөзен бойындағы таңбалы тастар тарихымен танысуға сапарға шықты. Экспедиция құрамында облыс әкімінің орынбасары Сәкен Қалқаманов, тарих ғылымдарының докторы, РК ҰҒА академигі Бауыржан Байтанаев, қазақстандық суретші-реставратор, Қазақстанның еңбек сіңірген қайраткері, ҚР Суретшілер одағының мүшесі Қырым Алтынбеков, қазақстандық кинорежиссер, Канн фестивалінің лауреаты Сергей Дворцевой, жергілікті археологтар мен тарихшылар, журналистер болды. Экспедиция сапарының қорытындысымен Созақ ауданындағы тарихи нысандарды туристерге насихаттау мақсатында «Шығыс сақинасы» тұжырымдамасы жасалады. Сондай-ақ Түркістанда маусым айының басында ҚР Рәміздерінің 30 жылдығына орай Арпаөзен петроглифтерінің суреттерінен фотокөрме өтеді.
