Сыбайлас жемқорлық – қоғамның аса қауіпті індеті. Елімізде заңсыз жолмен пайдаға кенелгісі яки ісін бітіргісі келетіндермен күрес қарқынды жүруде. Осы олқылықтарды болдырмау және алдын алу мақсатында Түркістан қалалық әкімдігіне қарасты сәулет және қала құрылысы бөлімінде 2 отырыс өтіп, аталған бөлім қызметкерлері тарапынан БАҚ беттерінде 1 мақала жарық көрген.
Бқлім қызметкерлерімен өткен жиында сыбайлас жемқорлықтың алдын алу мақсатында түрлі бастамалар көтеріліп, Қазақстан Республикасы Қылмыстық-процестік кодексінің 200-бабы тәртібінде ұсынуды қарау тәртібі де сараланды.
Жиынға сыбайлас жемқорлыққа қарсы іс-қимыл агенттігінің Түркістан қаласы бойынша басқарма қызметкерлері және бөлім басшылары мен қызметкерлері қатысты.
Мәжілісте қылмыстық құқық бұзушылықтар және басқа да заң бұзушылықтар жасауға ықпал етуі мүмкін жағдайлар мен оның алдын алу жолдары талқыланды.
«Мемлекет басшысы Қасым-Жомарт Тоқаев сыбайлас жемқорлықпен ымырасыз күресу мемлекеттік саясаттағы негізгі басымдықтың бірі екенін нақты атап өткен болатын. Өздеріңізге белгілі кейінгі жылдары сыбайлас жемқорлыққа қарсы көптеген реформалар жарияланды. Абыройлы аттарыңызға кір келтірмей, Отан алдындағы міндеттеріңізді адал атқаруға шақырамын» деді жиынға қатысушылар.
Атап өту керек, қолданыстағы Заң талаптарына сәйкес, әрбір мемлекеттік орган басшысы өз ұжымында сыбайлас жемқорлықтың алдын алу бағытында тұрақты түрде түрлі шараларды қабылдап отыруға міндетті.
