Төлеби ауданының халқы сайлауға белсенді қатысып, дауыс беруде. Тұрғындар еліміздің жарқын болашағы мен Отанымыздың тыныштығы, тәуелсіздігі, бейбітшілігі үшін таңдау жасады.
Аудандағы сайлау учаскелеріне шетелдік бақылаушылар келіп, өз бағасын берді. Сайлау комиссиясының мүшелері денсаулық жағдайына байланысты үйден шыға алмайтын қариялардың үйіне арнайы барып, олардың конституциялық құқығын пайдалануына мүмкіндік жасады.
Кезектен тыс Президенттік сайлауында аудан тұрғыны, Ұлы Отан Соғысының ардагері, 101 жастағы ғасыр құрдасы Рысмет Жұмағұлов дауыс беріп, өз таңдауын жасады. Қария Президент сайлауына қатысу азаматтық борышым деп, «ҚР Президенттігіне үміткерлер арасынан таңдаған тұлға еліміздің жарқын болашағына жеткізеріне сенім білдіремін», деді.
Айта кетейік, ауданда 67 сайлау учаске бар. Онда 68 617 сайлаушы тіркелген.
