Мемлекет Басшысы Қ.К.Тоқаев: “Барлық деңгейдегі әкiмдер жыл бойы халықпен кездесулер өткізсiн. Кездесулер барысында халықты толғандыратын әлеуметтік мәселелерге баса назар аудара отырып, проблемалық мәселелерді шешудiң жолдары мен мерзімдерін түсіндірсiн,”-деп әкiмдерге тапсырма берген болатын.Осы орайда Президент Жарлығына сәйкес бүгінгі күннің жоспарына сәйкес Мичурин ауылдық округінде аудан әкімі Нұржан Ізтілеуов тың халыққа есеп беру жиыны өтті. Жиынға мәслихаттың төрағасы Хамит Байысбаев, аудан әкімдігіне қарасты дербес бөлім басшылары мен әр саланың мамандары қатысты. Аталған басқосуда аудан әкімі Нұржан Жақсылықұлы аудан және ауылдық округ көлемінде атқарылған жұмыстардың 5 айлық қорытындысы бойынша есеп беріп, халықтың көкейінде жүрген сауалдарға жауап берді. Сонымен қатар, аудан басшысы биылғы жоспарға сәйкес Мичурин ауылдық округіне қарасты Титов атындағы жалпы орта мектебінің қосымша ғимаратының құрылысы жыл соңына дейін аяқталатынын жеткізді. Сондай-ақ, “Ауыл аманаты” бағдарламасы аясында 2,5% несие алып, ауылдың әлеуетін арттыру үшін жұмыс бастағалы отырған ауыл тұрғындарына ризашылығын білдіріп, мүмкіндікті пайдаланып қалуыларын ұсынды. Мичурин ауылдық округінің тұрғындары ауыз су мен ағын су, көше жарық шамдарын орнату, ескірген электр бағаналары мен кәріз жүйесін ретке келтіру сынды бірқатар мәселелерді көтерді. Аудан әкімі Нұржан Жақсылықұлы аталған мәселелер заң аясында қаралатынын мәлімдеп, жауапты мамандар мен бөлімдерге арнайы жұмысшы топ құрып, олқылықтарды түбейгейлі шешуге тапсырма беріп, сапалы жұмыс атқармаған жағдайда қажетті шара қолданатынын айтты.
Сонымен қатар, аудан әкімінің есептік кездесуі Тастұмсық ауылдық округінде өтті. Кездесуге аудандық мәслихаттың төрағасы Хамит Байысбаев, дербес бөлім және мекеме басшылары қатысты. Бұл жиында аудан әкімі Нұржан Ізтілеуов аудан және округ көлемінде ағымдағы жылдың 5 ай қорытындысымен атқарылған жұмыстар барысын баяндап, тұрғындар тарапынан түскен өтініш-ұсыныстар негізінде алдағы атқарылатын жұмыстар барысымен бөлісті. Ауылдағы мәселелерді осы округ тұрғындарынан басқа жақсы ешкім білмейтінін алға тартқан аудан басшысы аталған жиынды сұрақ-жауап форматында өткізді. Айта кетсек, тұрғындар тарапынан жарықтың сөнуі, интернет және байланыс желілерінің қанағаттанарлықтай деңгейде емес екені айтылып, көп балалы аналардан АӘК бойынша шағымдар түсті. Тастұмсық ауылындағы ең өзекті мәселелердің біріне айналған су арналарының тазалығы, трансформаторлардың істен шығуы туралы сөз қозғалды. Аудан әкімі Нұржан Жақсылықұлы осы және өзгеде мәселелер бойынша заң аясында жұмыс жасалатынын айтып, дербес бөлім басшылар мен жауапты мамандарға нақты тапсырмалар берді.
Жиын соңында ауыл ақсақалдары батасын беріп, аудан әкімі жоғарыда айтылған Тастұмсық ауылына қарасты Амангелді көшесінің бойында орналасқан су арнасы маңына барып, түйткілді мәселені өз көзімен көріп, жауапты мамандарға тез арада қажетті жұмыстарды атқаруды жүктеді.
Ааудан әкімінің есептік кездесуі Рысқұлов ауылдық округінде жалғасты. Кездесуге аудандық мәслихаттың төрағасы Хамит Байысбаев, дербес бөлім және мекеме басшылары қатысты. Дәстүрлі жиында аудан әкімі Нұржан Ізтілеуов аудан және округ көлемінде ағымдағы жылдың 5 ай қорытындысымен атқарылған жұмыстар барысын баяндап, тұрғындар тарапынан түскен өтініш-ұсыныстар негізінде алдағы атқарылатын жұмыстар барысымен бөлісті. Басым бөлігі сұрақ-жауап форматында ұласқан жиында тұрғындарды толғандырған негізгі мәселенің бірі ауыз су болды. Өткен жылдардан өтпелі болып іске асып жатқан Азаттық ауылының ауыз су жүйесін қайта құрылымдау жұмыстары су қосу барысында анықталған кемшіліктерге байланысты мерзімінде аяқталмай келеді. Аудан басшысы жиынға арнайы шақыртылған мердігерге тұрғындардың өтінішін тезарада қанағаттандыру мақсатында нақты тапсырмалар беріп, жауапты бөлімге ауыл тұрғындарымен бірге жұмысшы топ құрып, жұмысын қадағалау керектігін ескертті. Бұдан бөлек жиында жер қатынастары, жайылым, заңсыз құрылыс, жол, аяқ жол, электр жарығы, білім және денсаулық сақтау саласына қатысты тұрғындар тарапынан өтініш-ұсыныстар айтылып, аудан әкімі тарапынан назарға алынды. Азаттық ауылдық округі тұрғындары тарапынан соңғы есептік жиындарда көтеріліп, биыл жүзеге асатын жұмыстарға келетін болсақ «Ауыл – Ел бесігі» бағдарламасы бойынша Азаттық ауылының 26 көшесіне (Интернационал, Бірлік, Бәйшешек, Ырыс, Достық, Нұрлы, Келешек, Эралиев, Бейбітшілік, Жемісті, Ынтымақ, Тәуелсіздік, Байтерек, Ізет, Жастықшақ, Шапағат, Жақсылық, Рахмет, Зерде, Көрікті, Самал, Желтоқсан, Жас Өркен, Игілік, Атамекен, атауы жоқ) орташа жөндеу жұмыстары жүргізіліп, ағымдағы жылы толығымен аяқталады деп күтілуде.
Одан бөлек, ҚР Парламент Сенатының депутаттары Әли Бектаев, Мұрат Қадырбек, Алишер Сатвалдиев және аудан әкімі Нұржан Ізтілеуов Түлкібас ауданындағы Күмісбастау ауылындағы құрылысы жүріп жатқан “Beibars Botters” ЖШС-не барып, жұмыс барысымен танысты. “MАСТЕР-А” ЖШС мердігерлік ететін бұл кәсіпкерлік нысан ауыз су және көптеген хош иістері бар алкогольсіз сусындарды өндіруді көздейді. Жобаның жалпы құны – 7 600 млн теңге. Аталған өндіріс ошағы жылына 65-85 мың тонна өнім өндіріп, алғашқы кезеңде 96 адамды жұмыспен қамтиды деп жоспарланған. Өткен жылдың шілде айында басталған “Beibars bottlers” жобасының құрылысы 2024 жылдың наурыз айына дейін аяқталады деп көзделіп отыр. Кездесу барысында депутаттар бұл жобаның сәтті іске асып, өсіп-өркендеуіне сенім білдіріп, аудан әкімі Нұржан Жақсылықұлы мен кәсіпкерлік нысан басшылығына ел үшін атқарып жатқан еңбектері үшін алғыстарын айтты.
