ТҮЛКІБАС: «ӨЗІН-ӨЗІ БАСҚАРУ» ҰЙЫМДАРЫНЫҢ МҮШЕЛЕРІ САУАПТЫ ІС ЖАСАДЫ

563

Түлкібас ауданында “Өзін-өзі басқару” ұйымдарының мүшелері қасиетті Рамазан айында сауапты іс жасады.

Қатерлі ми ісігі дертіне шалдыққан, Абай атындағы мектеп-лицейінің 11-сынып оқушысы Досанқұл Алишердің еміне қаржылай жәрдем қажет болған!

“Өзін-өзі басқару” ұйымының көшбасшылары ақылдаса келе Алишерді қолдау мақсатында әлеуметтік желілерде түрлі челлендждер ұйымдастырып, қайырымдылық жәрмеңкесін өткізді. Өздерінің қолдан пісірген тағамдарын сатылымға шығарып, акция нәтижесінде 1 500 000 тг қаржы жиналды.

Алишердің еміне қажетті жиналған қаржыны табыстауға аудандық адами әлеуетті дамыту бөлімінің басшысы Е.Қадырбек, жастар ресурстық орталығының басшысы А.Имашев, “Өзін-өзі басқару” ұйымының жетекшісі И.Джолбасханов және ұйым мүшелері барды. Алишердің жағдайын біліп, жақсы ізгі тілектерін жеткізіп, қаржылай сертификатты табыстады.

Алишер де, ата-анасына да қуанып, қолдау білдірген барлық жандарға өз алғыстарын білдіруде.

Акцияға қолдау білдірген “Өзін-өзі басқару” ұйымының мүшелеріне, ата-аналарға, мұғалімдерге, аудан тұрғындарына алғыс білдіреміз!