Шымкент қалалық «Қоғамдық келісім» КММ қызметкерлері 29 шілде күні Еңбекші ауданы, Қаратөбе тұрғын алабындағы тұрғындармен және түрлі этнос жастары арасында кездесу өткізді.
Кездесу көшелерде мемлекеттік этнос аралық саясатты түсіндіру бағытындағы жалпыұлттық бірлік пен қоғамдық келісім қағидаттарын ілгерілету, мемлекеттік этнос аралық саясаттың бағыттарын түсіндіру, аумақ тұрғындарын толғандыратын мәселерді айқындау мақсатында карантиндік талаптарды сақтай отырып өтті.
Айта кету керек, бүгінде Шымкент қаласында түрлі этнос өкілдері тату-тәтті өмір сүруде. Этнос өкілдері қаланың әлеуметтік-мәдени дамуына елеулі үлес қосып келеді. Елімізде өзге этнос өкілдерінің тату-тәтті тіршілік кешуі өзге мемлекеттердің қызыға қарайтын үрдісіне айналуда. Бұл тікелей Елбасы Н.Назарбаевтың кемеңгер саясатының жемісі екені даусыз.
Еске сала кетсек, қазіргі таңда қаладағы 1 миллионнан астам тұрғын бар болса, оның 67,4 пайызын – қазақтар, 17,6 пайызын – өзбектер, 8,9 пайызын – орыстар және 6,1 пайызын өзге этнос өкілдері құрайды. Сондай-ақ, 17 этномәдени бірлестік жұмыс істеуде.
