Бір қолмен әлемді, бір қолмен бесікті тербеткен кешегі Кеңес дәуірін көріп, ғасырды артта қалдырған аналар қатары қазіргі таңда саусақпен санарлық. Киелі, қасиетті де қастерлі болған аналар тіршіліктің бастауы. Өйткені, ел билеген патша да, аты жер жарған алып батыр да, қара сөздің қаймағын ішкен ақын да ананың алтын құрсағынан бастау алады емес пе?
Елдің болашағын таңдаудағы бүгінгі жауапкершілігі жоғары сәтте саяси науқаннан қалыс қалмаған Ж.Ералиев ауылдық округі, Бәйтерек елді мекенінің тұрғыны 103 жастағы Забира Смаилова мен Ғ.Мұратбаев елді мекенінің тұрғыны 103 жастағы Сапия Қондыбаева да өз таңдауын жасап, дауыстарын берді.
1920 жылы Забира Смаилова бүгінде 8 перзентінен 39 немере мен 120 шөбере сүйіп отырса, Сапия Қондыбаева қиын-қыстау кезеңдерді бастан өткеріп, ер азаматтармен қатар кетпен шауып, бала-шағасын асырап, бүгінгі күніне шүкіршілік айтып отырған ауыл-аймағының ақылшысы.
