Түркістан облысында 943 мектептің 563 камерасы Жедел басқару орталықтарына қосылды. Бұл жалпы мектептердің 60%-ын құрайды. Жоспар бойынша техникалық мүмкіндігі бар жалпы 750-ге жуық мектепті жедел басқару орталықтарына шығару жоспарланып отыр.
Яғни жазбаларды аудандық полиция бөлімдеріндегі кезекші топтармен облыстық полиция департаментінің жедел басқару орталығы қадағалап отырады. Балалардың қауіпсіздігін қамтамасыз ету мақсатында өңірдегі 560-тан астам білім ордасына интеграцияланған бейнекамералар қойылған. 30 күндік дерек сақталатын бейнебақылау камерасынан, мектептердің ауласынан бастап, кіреберісі мен дәліздерінде, асханасы мен фойесінде, акт және спорт-залында не болып жатқанының бәрін нақты уақытымен көруге болады. «Біз мектептерге орнатылған бейнекамералар арқылы ол жерге сырттан келетін қандайда бір қауіпті уақытында анықтап, тиісті шаралар қолдана аламыз дейді» облыстық полиция департаментіндегілер.
Айта кетейік, мемлекет басшысы Қасым-Жомарт Тоқаевтің тапсырмасымен барлық білім беру ұйымдарындағы бейнебақылау камераларын полиция органдарының жедел басқару орталығына шығару тапсырмасы түскен.
