Түркістан облысында киберқауіпсіздік мәдениетін дамыту мақсатында халықтың киберқауіпсіздік қатерлері туралы хабардарлығын арттыру бойынша іс-шаралар тұрақты негізде жүргізілуде. Елімізде социологиялық зерттеу нәтижелері бойынша халықтың хабардар болу деңгейі 75% «Ақпараттық қауіпсіздік» мамандығы бойынша білім беру гранттарының саны 2632-ге дейін ұлғайтылды. Сонымен қатар, ақпараттық қауіпсіздік саласында 542 маман оқуын аяқтады, төрт маман шетелдік жетекші ЖОО-да тағылымдамадан өтті. «Болашақ» халықаралық бағдарламасы аясында. Ақпараттық қауіпсіздік саласында қайта даярлықтан өткен мамандардың саны ұлғайтылды. Осы орайда өңірде орын алып жатқан киберқауіпсіздік орталықтарының атқарып жатқан жұмыстары жаййлы аз-кем мәлімет беруді жөн көрдік.
Естеріңізге сала кетейік 2017 жылғы маусымда интернет алаятықтың өршуіне орай, жалпы интернет алаяқтықпен күрес жүргізу мақсатында Қазақстан Республикасының Үкіметі IT және телекоммуникациялар, электрондық ақпараттық ресурстарды қорғау саласындағы мемлекеттік саясатты іске асырудың негізгі бағыттарын айқындайтын «Қазақстанның киберқалқаны» киберқауіпсіздік тұжырымдамасын бекіткен болатын. Ал 2022 жылы «Қазақстанның киберқалқаны» тұжырымдамасының жаңа редакциясы қабылданды. Киберщит (киберқалқан) – ақпарат қауіпсіздігі немесе қиберқауіпсіздік деп аталады, яғни электронды ақпараттық ресурстардың, әртүрлі ақпарат жүйесінің және ақпараттық-коммуникациялық инфрақұрылымның сыртқы немесе ішкі қкиберқауіптерден қорғайтын қауіпсіздік. Сол себепті киберщиттің мақсаты – кез келген электронды ақпараттың қауіпсіздікдігін сақтау. Киберқылмыстың өсуі қазіргі заманның өзекті мәселесі болып отыр. Ол тіпті қауіпсіздікке қауіп төндірумен қатар, мемлекет мүддесіне тікелей немесе жанама түрде зиян келтіруі мүмкін. Осындай және өзге де қауіпті құбылыстардың алдын алу үшін республика киберқылмыспен күрес жөніндегі бағдарламаның тұжырымдамасын қабылдаған болатын.
