Киберқауіпсіздікті нығайту – ел тыныштығын сақтауда аса маңызды рөл ойнайды. Бұл ретте ақпараттық қауіпсіздік мамандары былай дейді: Қазақстан халқының 85%-дан астамы Интернетті пайдаланады, бұл Орталық Азия елдері арасындағы ең жоғары көрсеткіш. Экономиканың негізгі сегменттері мен ел Үкіметі қазірдің өзінде цифрлық платформаларға көшірілді. 2018 жылы Қазақстан Үкіметі мемлекеттік органдар мен жеке компанияларды тұтынушыларға тиімдірек қызмет көрсету үшін дәстүрлі физикалық қолжетімділіктен онлайн қолжетімділікке көшуге шақыратын «Цифрлы Қазақстан» бағдарламасын іске қосып отыр дейді – олар.
Дегенмен, Қазақстанның цифрлық экономикаға кең ауқымды көшуі киберқауіпсіздікті айтарлықтай жақсарту қажеттілігіне әкелді, әсіресе COVID-19 пандемиясынан кейін көптеген адамдар қашықтан жұмыс істеуге және оқуға мәжбүр болған-ды. Бұл Қазақстан билігін киберқауіптерге қарсы маңызды шаралар қабылдауға итермеледі. Киберқылмыспен күресте қиындықтар туындаса да, мұндай қылмыстардың қарқындылығы, ауқымы мен күрделілігі үнемі артып отырса да, Қазақстанның киберкеңістіктегі қылмыстармен және қауіптермен күресудегі соңғы жылдардағы күш-жігерінің нәтижелері айтарлықтай елеулі болды.
Сонымен бірге, киберқауіпсіздік саласындағы соңғы жақсартулардың арқасында Қазақстан Біріккен Ұлттар Ұйымының ақпараттық-коммуникациялық технологиялар бастамасы болып табылатын Халықаралық телекоммуникациялар одағы шығарған Жаһандық киберқауіпсіздік индексі 2020 рейтингінде 182 елдің ішінде 31-ші орынға ие болды.
Индекс бес негізгі факторға негізделген: құқықтық, техникалық және ұйымдастырушылық аспектілер, сондай-ақ бар мүмкіндіктерді дамыту және ұжымдық әрекет. 2020 жылы Қазақстан 2017 жаһандық киберқауіпсіздік индексінде 83-орыннан әлдеқайда жоғары болды.
