Төлеби ауданы аумағында орналасқан сайлау учаскелерінде ұйымдастыру жұмыстары таңғы алтыдан басталып, аудан халқы саяси науқаннан тыс қалмай, өз таңдауларын жасауда.
Наурыз мерекесі қарсаңында өтіп жатқан тарихи маңызды оқиғаға аудан жұртшылығы ұлттық нақыштағы киім келіп, дауыс беруде.
Аудандық Мәдениет үйінің қызметкерлері №731 сайлау учаскесінде жанды дауыста өлен айтып, сайлаушыларға көтеріңкі көңіл күй сыйлады. Ал, ауданның ақ жаулықты аналары еліміздің жарқын болашағы үшін таңдау жасап, өңірдің кемелді келешегі үшін тұрғындарды дауыс беруге шақырып, ақ батасын берді.
Төлеби ауданы аумағында 68 сайлау учаскесі бар. Тіркелген 68637 сайлаушы бар. Әр тұрғынның сайлауға сенім білдіруі маңызды. Аудан халқының саяси науқанға қатысу белсенділігі жоғары. Сайлау учаскелерінде заң талаптары сақталып, жұмыс жүргізілуде. Сайлаушылардың дауыс беруіне барлық мүмкіндіктер қарастырылған. Саяси науқанның өз деңгейінде, заң шеңберінде өтуін сенімді өкілдер мен бақылаушылар қадағалауда.
