ТҮРКІСТАН ҚАЛАСЫНДА 53 ҮЙДІҢ ҚҰРЫЛЫСЫ ЖҮРГІЗІЛІП ЖАТЫР

124

Биыл Түркістан қаласында жалпы көлемі 200 мың ш.м. асатын 3 392 пәтерлі 53 үйдің құрылысы жүргізіліп жатыр.

Түркістан қаласының әкімі Нұрбол Тұрашбековтың мәлімдеуінше, шаһарда 10 айдың ішінде жаңадан салынған 42 көпқабатты үй пайдалануға берілді. Яғни, жыл басынан бері несиемен және кезекте тұрған 2 мыңнан астам отбасы баспаналы болып, қоныс тойын тойлады. Жыл соңына дейін тағы 11 көпқабатты тұрғын үй құрылысы толық аяқталады. Яңни, тағы 725 пәтер пайдалануға беріледі.

 

Бұл ретте, облыс әкімі пайдалануға берілген үйлер халықтың барлық талабы мен сұранысына сай болуы тиіс екендігін айтқан болатын. Үйлердің айналасын абаттандыруға да баса мән берілмек. Балалар алаңқайларының сапасы мен қауіпсіздігі – басты назарда.

 

Түркістан қаласындағы құрылыс жұмыстарының мерзімінде аяқталуына күш салынуда.