Түркістан облысы дін істері басқармасының келісімімен және Түркістан қаласы әкімдігі Түркістан қаласы көлемінде дін мәселесі бойынша жұмыс жүргізетін ақпараттық-түсіндіру тобының биылғы жылдың екінші жарты жылдығында арналған жоспары бекітілген болатын. Соған сәйкес қыркүйек айында жалпы саны 15 кездесу өткізілді. Оның ішінде 10 мектеп, 2 колледж, 1 университет, 2 басқа да мекемелер бар. Жалпы қазан айында қамтылған адам саны 1500-ге жуықтайды.
Мәселен, қыркүйек айының 3-күні Түркістан қаласы бойынша 3 ақпараттық түсіндіру жұмыстары жүргізілген. Атап айтсақ, Түркістан қаласындағы Ерқанат Тәңірбергенов атындағы көпсалалы индустриалды техникалық колледжінде «Дін саласындағы тұрақтылықты қамтамасыз ету, діни экстремизм мен терроризмнің алдын-алу» тақырыбында жиын ұйымдастырылды. Сондай-ақ, Қ.А.Ясауи атындағы кәсіптік колледжінде « ҚР Діни қызмет және діни бірлестіктер туралы Заңы және басқа да заңдылықтармен нормативтік құқықтық актілер тұрғысында түсініктеме беру» тақырыбында, қыркүйек айының 27 – күні 5 білім беру мекемесінде ақпараттық түсіндіру жұмысы өткізілген. Нақтырақ айтсақ, М.Мәметова мектебінде «Исламдық бағыттағы деструктивті ағымдар» тақырыбында келелі кездесу өткен.
Бұдан бөлек, Некрасов мектебінде «Қазақстан аумағындағы экстремистік ұйымдардың идеологиясы», Т.Бигелдинов мектебінде «Деструктивті жалған діни ағымдар мен ұйымдардың туындауының негізгі факторлары» тақырыбында, С.Ерубаев мектебінде «Дін зайырлы мемлекеттік рухани тірегі» тақырыбында, Ататүрік мектебінде «ҚР Дін саласындағы мемлекеттік саясатының 2021-2023 ж.ж. арналған тұжырымдамасы туралы» тақырыптарында жалпы кездесулер өткізілді.
Сондай-ақ, жоспар аясында Түркістан облысы дін істері басқармасының «Дін мәселелерін зерттеу орталығы» коммуналдық мемлекеттік мекемесінің теолог мамандарымен бірлесе отырып, қазан айында жалпы саны 15 жалпы кездесу өткізілген. Оның ішінде 10 мектеп, 2 колледж, 1 университет, 2 басқа да мекемелер қамтылды. Жалпы қазан айында қамтылған адам саны 1500-ге жуықтайды. Қазан айының 3 – күні Түркістан қаласы бойынша 3 ақпараттық түсіндіру жұмысы өткізілді. Олар №2 Хамза атындағы жалпы орта мектебі. Кездесу тақырыбы : «Дін – зайырлы мемлекеттің рухани тірегі», №1 А.Байтұрсынов атындағы мектеп-лицейінде «Деструктивті жалған діни ағымдар мен ұйымдардың туындауының негізгі шарттары мен факторлары» тақырыбында, Түркістан қаласының өрт сөндіру бөлімінде «Діни терроризмді насихаттайтын интернет ресурстарының қауіптілігі» тақырыбында, Қазан айының 7 – күні 3 білім беру мекемесінде ақпараттық түсіндіру жұмысы өткізілді. Атап айтсақ, №5 Ғ.Мұратбаев атындағы жалпы орта мектебінде – «Дін саласындағы заңнама және оған енгізілетін түзетулер» тақырыбында жиындар өткізілді.
