Түркістан облыстық полиция департаментінің бастығы полиция генерал-майоры Мұрат Қабденовтың тапсырмасына орай Түркістан полиция басқармасы қала аумағында “Қауіпсіз аула” жедел – профилактикалық іс-шарасын қолға алды. Ондағы мақсат – қылмыстың алдын алу және қаладағы мөлтек аудандарда жедел жағдайды тұрақтандырып, қоғамдық тәртіпті қамтамасыз ету.
Аталған іс-шара аясында қала полицейлері «Отырар» мөлтек ауданының тұрғындарымен арнайы кездесу өткізді.
Кездесу барысында тұрғындарға подездерге домафон, бейнекамера орнату қажеттілігі айтылды.
Облыс орталығы – Түркістан қаласындағы әрбір аула қауіпсіз болуы керек. Қоғамдық тыныштықтың сақталуы – кезекшілік атқаратын полицейлер мен әскери қызметшілердің қатаң қадағалауында болады. Олардың басты міндеті – қылмыстар мен құқықбұзушылықтарға жол бермеу және жол қауіпсіздігін қамтамасыз ету.
“Қауіпсіз аула” акциясы аясында полицейлер құқықбұзушылыққа жол бермеуге баса назар аударуда. Бұл жұмыстарға учаскелік полиция инспекторлары, пәтер иелері кооперативтерінің төрағалары мен белсенділері де тартылуда.
Жалпы «Жаңа қала» және «Отырар» мөлтек аудандарында жыл басынан бері 14 бөтеннің ұрлау қылмысы тіркелген. Сондай-ақ, мұнда пәтер тонау фактілері де аз емес.
