Сыбайлас жемқорлықтың алдын алудың тағы бір оңтайлы жолы – электронды үкімет – мемлекеттік бағдарламасы екені даусыз. Бұл қызмет түрін қолдану үшін ұялы байланыс және интернет ауадай қажет. Дәл осы олқылықтарды жою мақсатында Түркістан қаласында Түркістан облысының цифрландыру, мемлекеттік қызметтер көрсету және архивтер басқармасының бастамасымен 109 call-орталығы жүмыс атқара бастады.
Ондағы мақсат – облыс тұрғындары мен қонақтары үшін ғаламторды барынша қолжетімді ету, тарифтерді қосу, базалық қондырғыларды орнату бойынша қоңыраулар қабылдап, кеңес беру. Сондай-ақ, 109 Call-орталығы – қала тұрғындарының интернет тарифтерін қосу мен байланыс қызметтері бойынша тұрғындардың өтініштерін қабылдайды, сонымен қатар, тұрғындардын тарапынан сыбайлас жемқорлық тәуекелдері негізіндегі және әкімдік қызметкерлерінің үстерінен түсірген шағымдарын қарап, бұзылған құқықтарын заң аясында дер кезінде қарауға мүмкіндіктер береді.
Бұдан бөлек, Түркістан қаласындағы Халықты жұмыспен қамту орталығына бейнебақылау камералары орнатылды. Орнатылған камералар тек түсуруімен ғана шектелмейді, қызметкер мен келуші арасындағы әңгімесін толық жазады. Сондықтан, қызметкерлермен келушілерге жөнсіз дөрекілік көрсете алмайтындығы және түскі үзілістеріне де мерзімінен бұрын шығалмайды. Камералар әр қызметкердің жұмыс үстеліне орнатылған, тұрғындардың қызметкерлерге қатысты шағымы болған жағдайда аталған бейнежазбаны қайта қарауға мүмкіндігі бар. Видео жазбасы 1 ай уақыт сақталады. Бұл елдегі алғашқы жоба. Оған қалалық бюджеттен 13 млн теңге жұмсалған. Егер де камераның алдын 3 минуттан артық жапқан жағдайда, онда орталық директорына және орталық операторларына хабарлама түседі, қай камера екендігі туралы және аталған іс-әрекет орын алған жағдайда шара қолданатындығы жөнінде алдынала ескертілген.
Аталған камералар, сыбайлас жемқорлық фактілерінің алдын алуға, қызметкерлер тарапынан әдеп нормаларының сақталуына, қызметтің сапасын арттыруға көмегі тиюде.
